సమస్య:
దురద
ఆ తరువాత వెంట్రుకలు రాలిపోవటం
వ్యాధి సోకిన శరీర భాగంపై, ముందుగా నల్లటి
పొడలు ఏర్పడటం
శరీరాన్ని కొరుక్కోవటం
తోక కొరుక్కోవటం
క్రమేపీ శరీరమంతా వ్యాపించటం
అస్తిమితం

కారణాలు:
ఫంగస్ వ్యాధి.
SORCOPTIC పురుగుల వల్ల

పశువైద్యుని సంప్రదించాలి.
ఈ వ్యాధిని Mycotic Dermatitis, Allergy, Pox, Utricaria, Ring Worm, Inherited Para Keratosisగా భ్రమించే అవకాశం వుంది. కనుక వ్యాధి భేదాత్మక పరిశీలన అవసరం.

పరిష్కారాలు:

  1. ఆయుర్వేదం ప్రకారం ఈ వ్యాధిని ఆకు నుసిమిరిత తల నుసిమిరి అని రెండు రకాలుగా గుర్తిస్తారు.
    ఆకు నుసిమిరి:
    మపురం, వెన్ను, తోక, గిట్టలపై చర్మానికి వస్తుంది.
    తల నుసిమిరి:
    కొమ్ముల మొదలున గల చర్మానికి వస్తుంది.
    వీటికి నల్లేరు రసం ఒక గ్లాసు, వస 1 గ్రా॥, పసుపు 10 గ్రా॥ కలిపి, రోజుకు ఒక పర్యాయం చొ॥న 5 రోజులు త్రాగించాలి.

ఆయుర్వేదం:
క్రింది వాటిలో ఏదైనా ఒక విధానం.

గృహవైద్యం:

  1. శుభ్రమైన నీటితో శరీర భాగాల్ని కడగాలి.
  2. శరీరాన్ని కుంకుడు కాయ నురుగుతో కడగాలి.
  3. కాలువ లేక చెరువులోని ఒండ్రు / బంక మట్టిని పైపూతగా చర్మానికి పట్టించాలి.
  4. కొబ్బరి చిప్ప బూడిదను నువ్వుల నూనెలో కలిపి రాయాలి.
  5. ఆవ నూనె / వేప నూనె చర్మానికి పూయాలి.
  6. 20 గ్రా॥ పసుపు, అరలీటరు ఆవుపాలలో కలిపి, రోజుకొకసారి త్రాగించాలి.

పెరటి వైద్యం:

  1. నల్ల ఉమ్మెత ఆకు రసం, ఉప్పు కలిపి నుసిమిరిపై పూయాలి.
  2. కలబంద ఆకు గుజ్ౙు, సైంధవ లవణం కలిపి, దంచి నుసిమిరిపై పూయాలి.
  3. గాడిదగడపాకు రసం, కొద్దిగా సున్నం, నువ్వుల నూనె, కలిపి నుసిమిరిపై రాయాలి.
  4. మర్కొండాకు పసరు 50 గ్రా॥కు, 10 గ్రా॥ గంధకం కలిపి, ఆ మిశ్రమాన్ని నుసిమిరిపై పూయాలి.
  5. గోరింటాకు 50 గ్రా॥, పటిక 10 గ్రా॥ కలిపి, నూరి నుసిమిరిపై పూయాలి.
  6. నల్లేరు కాడలు, పసుపు కలిపి, దంచి గాని కామంచి పూరి గాని నుసిమిరిపై రాయాలి.
  7. కుంకుడు కాయ రసంతో శుభ్రంగా కడిగి, తడి ఆరిన తరువాత మర్కొండాకు 50 గ్రాములు పసుపు 25 గ్రాములు, ఉప్ప్పు 12 గ్రాములు, కచ్చికపొడి 12 గ్రాములు కలిపి నుసిమిరిపై రాయాలి.

హోమియో
సల్ఫర్ 200 / సోరినం 200 / హెపార్ సల్ఫ్ 200 / మెర్క్ సాల్ 200 / సెపియ 200 / గ్రాఫైటిస్ 200 లలో ఏదైనా ఒక మందు రోజుకు 5 మాత్రలు, చొ॥న తగ్గేదాకా తినిపించాలి.

అల్లోపతి:

  1. అమిట్రాజ్ (AMITRAZ) 2 మి.లీ. మందును 1 లీటరు నీటిలో కలిపి చర్మానికి రాయాలి.
  2. డెర్మిక్లోర్ లోషన్ (DERMICHLOR LOTION) లేదా బెంజైల్ బెంజొయేట్ వంటి మందును వాడాలి
  3. హిస్టానిల్ (HISTANIL) వంటి ఇంజక్షన్ చేయించాలి.
  4. గ్రైసోవిన్-యఫ్‌పి (GRISOVIN_FP) వంటి మందును వాడాలి.
  5. స్కేబిఎక్సిమా ఇంజక్షన్ వైద్యుల సూచనల మేరకు మాత్రమే చేయించాలి.
  6. పరిసరాల పరిశుభ్రత కొరకు అవసరమైన చర్యలు చేపట్టాలి.
  7. బుటాక్స్ (BUTOX) కూడా పిచికారి చేయాలి. (2 మి.లీ. బుటాక్స్ + 1 లీ. నీటిలో కలిపి). పిచికారి చేసిన వెంటనే కడగరాదు. నాకకుండా నోటికి చిక్కం పెట్టాలి. పిచికారి చేసిన 2 గంటల తరువాత కడగవచ్చు.
    ……………………………………………………………………………………
    రైతునేస్తం ప్రచురణ ‘గో-సంజీవని’ పుస్తకం కొరకు సంప్రదించండి: 96 76 79 77 77కు సంప్రదించండి.