ఈ ఖరీఫ్‌ సీజను నుంచే తెలంగాణా రాష్ట్రంలో సన్న వడ్లకు క్వింటాలుకు రూ. 500/-లు బోనస్‌ ఇవ్వాలని క్యాబినెట్‌ నిర్ణయించినట్లు పౌరసరఫరాల శాఖ మంత్రి ఉత్తమ్‌కుమార్‌ రెడ్డి వెల్లడించారు. ఈ నేపథ్యంలో కొనుగోలు కేంద్రాలకు ఈసారి సన్న వడ్లు భారీగా వస్తాయని పౌరసరఫరాల సంస్థ అధికారులు అంచనా వేస్తున్నారు. అక్టోబరు నుంచి జనవరి వరకు రైతుల నుంచి సన్నవడ్లు కేంద్రాలకు రానున్నాయి. సుమారు 50 లక్షల టన్నుల సన్నవడ్లు కొనుగోలు కేంద్రాలకు రావచ్చని పౌరసరఫరాల సంస్థ అధికారులు అంచనా వేస్తున్నారు.