Dairy

21 May, 2026

రైతునేస్తం0 commentsMay 21, 2026agri news

పామాయిల్‌పై దిగుమతి సుంకాన్ని పెంచాలి*కేంద్రమంత్రి శివరాజ్‌సింగ్ చౌహాన్‌కు మంత్రి తుమ్మల నాగేశ్వరరావు విజ్ఞప్తి

మొక్కజొన్న, జొన్న పంటలను పిఎసఎస్ స్కీంలో చేర్చాలని, 2026-27 ఆర్థిక సంవత్సరానికి పిఎంఆర్‌కేవివై-పిడియంసి మరియు యంఐడిహెచ్ పథకాల కింద ఉద్యానశాఖకు నిధుల కేటాయింపులు పెంచాలని, ఈ రబీ సీజన్‌కు సంబంధించిన పొద్దుతిరుగుడు కొనుగోలు పరిమితిని 3,690 మెట్రిక్ టన్నుల నుండి 15,262 మెట్రిక్ టన్నులకు పెంచాలని కేంద్రమంత్రి శివరాజ్ సింగ్ చౌహన్‌ను తెలంగాణ రాష్ట్ర వ్యవసాయశాఖ మంత్రి తుమ్మల నాగేశ్వరరావు కోరారు. ఐసిఏఆర్ఐ-ఐయంఆర్ రాజేంద్రనగర్‌లో ఆయనను కలిసి పామాయిల్‌పై ఉన్న దిగుమతి సుంకాన్ని పెంచేలా సంబంధిత మంత్రిత్వ శాఖతో మాట్లాడాలని కూడా కేంద్ర మంత్రిని తుమ్మల కోరారు. సానుకూలంగా స్పందించిన కేంద్ర మంత్రి త్వరలోనే సమగ్ర సమీక్ష నిర్వహించి అన్ని సమస్యలను పరిష్కరిస్తామని శివరాజ్‌సింగ్ చౌహాన్ హామీ ఇచ్చారు.

27 Apr, 2026

రైతునేస్తం0 commentsApril 27, 2026agri news

వాతావరణ పరిస్థితులకు అనుగుణంగా పంటలసాగు

వాతావరణ పరిస్థితులకు అనుగుణంగా పంటల సాగుపై అవగాహన కల్పించేందుకు వ్యవసాయ శాఖ, విశ్వవిద్యాలయం ఆధ్వర్యంలో సోమవారం నుంచి మే 23 వరకు రైతు ముంగిట్లో శాస్త్రవేత్తల కార్యక్రమాన్ని తెలంగాణా రాష్ట్రవ్యాప్తంగా చేపట్టాలని నిర్ణయించింది. ఈ నేపథ్యంలో ఆదివారం వ్యవసాయ శాఖ మంత్రి తుమ్మల సమావేశాన్ని నిర్వహించి కార్యక్రమాన్ని ఖరారు చేశారు. ఇందులో భాగంగా వ్యవసాయ అదికారులు, శాస్త్రవేత్తలు, విద్యార్థులు 200 బృందాలుగా ఏర్పడతారు. ప్రతి వారం 400 గ్రామాల్లో పర్యటిస్తారు. మొత్తం నాలుగు వారాల్లో 1,600 గ్రామాల్లో రైతులతో సమావేశాలు నిర్వహిస్తారు. వానాకాలం పరిస్థితులను వివరించి, ఆయా గ్రామాల్లో పంటల ప్రణాళిక అమలుపై దిశానిర్దేశం చేసి.. పంటల సాగుపై అవగాహన కల్పిస్తారు. ఈ కార్యక్రమాన్ని ఖమ్మం జిల్లా రఘునాథపాలెంలో మంత్రి తుమ్మల, ఇతర జిల్లాల్లో మంత్రులు, ప్రజాప్రతినిధులు ప్రారంబిస్తారని అగ్రివర్సిటీ వీసీ జానయ్య తెలిపారు.

31 Jan, 2026

రైతునేస్తం0 commentsJanuary 31, 2026agri news

పుట్టగొడుగుల పెంపకంపై ఫిబ్రవరి 18 నుంచి 28 వరకు శిక్షణ

ఫిబ్రవరి 18 నుంచి 28 వరకు ఆచార్య జయశంకర్ తెలంగాణ రాష్ట్ర వ్యవసాయ విశ్వవిద్యాలయ ఆధ్వర్యంలో పుట్టగొడుగుల సాగుపై నైపుణ్య శిక్షణను నిర్వహిస్తున్నట్లు వర్సిటీ వీసీ అల్దాస్ జానయ్య తెలిపారు. రాజేంద్రనగర్‌లో జరిగే ఈ శిక్షణ కోసం వచ్చే నెల 8లోగా దరఖాస్తు చేసుకోవాలని సూచించారు. www.eeihyd.org, www.pjtau.edu.in వెబ్‌సైట్ల ద్వారా సమాచారం పొందాలన్నారు.

31 Jan, 2026

రైతునేస్తం0 commentsJanuary 31, 2026agri news

కోకో పంటకు కూడా నిర్దేశిత ధర

కోకో పంటకూ ఆయిల్‌పామ్ మాదిరి నిర్దేశిత ధర నిర్ణయించాలనే యోచనలో ప్రభుత్వం ఉందనిాంధ్రప్రదేశ్ రాష్ట్ర వ్యవసాయశాఖ మంత్రి అచ్చెన్నాయుడు చెప్పారు. కోకోకి ధరలు తగ్గితే గతేడాది కిలోకు రూ. 50 చొప్పున ప్రభుత్వమే చెల్లించింది. మామిడి, అరటి ఏ ధరలు తగ్గినా ప్రభుత్వం చొరవ తీసుకుని రైతులకు అండగా నిలిచింది. ఒక్క ఏడాదిలో రూ.1,200 కోట్లు మద్దతు ధరల రూపేణా చెల్లింపులు చేశాం’ అని మంత్రి పేర్కొన్నారు. ఏలూరులో రెండు రోజుల పాటు జరిగే రాష్ట్ర స్థాయి కోకో సదస్సుకు శుక్రవారం ఆయన ముఖ్యఅతిథిగా హాజరై మాట్లాడారు.

29 Nov, 2025

రైతునేస్తం0 commentsNovember 29, 2025agri news

తెలంగాణాలో ధాన్యం కొనుగోలు ఊపందుకుంది

తెలంగాణా రాష్ట్రవ్యాప్తంగా దాదాపుగా అన్ని జిల్లాల్లో వరి కోతలు ముమ్మరం అయ్యాయి. రాష్ట్రవ్యాప్తంగా కొనుగోలు కేంద్రాలకు ధాన్యం భారీగా వస్తోంది. శుక్రవారం నాటికి 35.96 లక్షల టన్నులు కొనుగోళ్లు జరిగాయి. మద్దతు ధరతో పాటు బోనస్‌ కలిపి రూ. 6,688.63 కోట్లు ప్రభుత్వం విడుదల చేసింది. 10,434 రెవెన్యూ గ్రామాలు ఉండగా.. 8,465 కొనుగోలు కేంద్రాలను ఏర్పాటు చేయాలని పౌరసరఫరాల సంస్థ లక్ష్యంగా పెట్టుకోగా, 8,361 కేంద్రాలను ప్రారంభించారు. దొడ్డు రకం 22.86 లక్షల టన్నులు, సన్నాలు 18.66 కలిపి మొత్తం 41.52 లక్షల టన్నులు కేంద్రాలకు రాగా, 35.96 లక్షల టన్నుల ధాన్యం కొన్నారు. ఇందులో 35.39 లక్షల టన్నులు మిల్లులకు తరలించారు. గోదాముల్లో 2,750 టన్నులు నిల్వ చేశారు. 54,241 టన్నుల వడ్లను కేంద్రాల నుంచి మిల్లులకు తరలించాల్సి ఉంది. ప్రస్తుత ఖరీఫ్‌ సీజన్‌.. అక్టోబరులో ధాన్యం కొను గోళ్ల ప్రక్రియలో జాప్యమైంది. సీఎం రేవంత్రెడ్డి ఈ అంశంపై దృష్టి పెట్టి.. ఉన్నతాధికారులకు స్పష్టమైన ఆదేశాలిచ్చారు. దీంతో నవంబరులో కొనుగోళ్లు వేగవంతమయ్యాయి.

6 Nov, 2025

రైతునేస్తం0 commentsNovember 6, 2025agri news

పంట నష్టం నమోదు గడువు మరో రెండురోజులు పొడిగింపు

ఆంధ్రప్రదేశ్లో మొంథా తుపాను కారణంగా జరిగిన పంట నష్టం నమోదును మరో 2 రోజులు పొడిగిస్తున్నట్లు తుపాను ప్రభావంతో నష్టపోయిన ప్రతి రైతుకు పరిహారం అందజేస్తామని వ్యవసాయ శాఖ మంత్రి అచ్చెన్నాయుడు తెలిపారు. బుధవారం శ్రీకాకుళంలో ఆయన మాట్లాడారు. రాష్ట్రంలో ఈ-క్రాప్ నమోదు వంద శాతం పూర్తిచేశామని తెలిపారు.

3 Nov, 2025

రైతునేస్తం0 commentsNovember 3, 2025agri news

పకడ్బందీగా కొత్త విత్తన చట్టం-2025

తెలంగాణా రైతులకు అన్ని విధాలుగా న్యాయం జరిగేలా కొత్త విత్తన చట్టం-2025 ముసాయిదాను పకడ్బందీగా రూపొందించాలని వ్యవసాయశాఖ మంత్రి తుమ్మల నాగేశ్వర రావు సూచించారు. ఆదివారం సచివాలయంలో కొత్త విత్తన చట్టం ముసాయిదా రూపకల్పన కమిటీతో తుమ్మల సమావేశమయ్యారు. వ్యవసాయ శాఖ సంచాలకుడు గోపి, విత్తనాభివృద్ధి సంస్థ ఛైర్మన్‌ అన్వేష్‌ రెడ్డి, ముసాయిదా కమిటీ ప్రతినిధులు పాల్గొన్నారు. ఈ సందర్భంగా మంత్రి మాట్లాడుతూ ‘నాణ్యమైన విత్తనోత్పత్తికి కంపెనీలను ప్రోత్సహించేలా, మోసం చేసే వాటి పట్ల కఠినంగా వ్యవహరించేలా ముసాయిదా రూపొందించాలి. అది న్యాయ సమీక్షకు అనుగుణంగా ఉండాలి. పంట నష్టపోయే రైతులకు సంపూర్ణ పరిహారం అందేలా చొరవ చూపాలన్నారు. కొత్త విత్తన చట్టం రూపకల్పన అనంతరం అవసరమైతే కేంద్ర ప్రభుత్వం ఆమోదానికి పంపుతాం’ అని తుమ్మల పేర్కొన్నారు. కమిటీ సభ్యులు మాట్లాడుతూ.. ‘విత్తన రైతులకు రుణ సౌకర్యం, సాంకేతిక శిక్షణ వంటి అంశాలను జోడించాలి. విత్తనోత్పత్తి సంఘాల ఏర్పాటు, లైసెన్సు కలిగిన సంస్థలకే విక్రయ అనుమతివ్వాలి. రైతు, ఆర్గనైజర్‌, కంపెనీల మధ్య త్రైపాక్షిక ఒప్పందం ఉండాలి’ అని సూచించారు.

11 Oct, 2025

రైతునేస్తం0 commentsOctober 11, 2025agri news

గేదె బరువు వెయ్యి కిలోలు

గుజరాత్‌లోని సౌరాష్ట్ర ప్రాంతంలో ఎక్కువగా కనిపించే జాఫరాబాదీ జాతి గేదెలు సాధార ణంగా 700 నుంచి 800 కిలోల బరువు ఉంటాయి. జునాగఢ్‌లోని కామధేను విశ్వవిద్యాలయ పశుసంవర్ధక కేంద్రంలో ఏడేళ్ల వయసున్న ఒక గేదె ఏకంగా వెయ్యి కిలోల బరువుతో అందరినీ ఆకట్టుకుంటోంది. ఈ గేదె ఇటీవల ఒక దూడకు జన్మనిచ్చింది. ఎక్కువ పాలను ఉత్పత్తి చేయడం వల్ల ఇది ఆర్ధిక ప్రయోజనాలనూ అందిస్తుందని, వీటి పాలలో 11 నుంచి 14 శాతం వెన్న అదనంగా ఉంటుందని పాడి రైతులు చెబుతున్నారు.

26 Aug, 2025

రైతునేస్తం0 commentsAugust 26, 2025Agriculture

ఆగస్టు 30న వ్యవసాయ విశ్వవిద్యాలయంలో డిగ్రీ కోర్సులకి వాక్‌ ఇన్‌ కౌన్సిలింగ్‌

ఈనెల 30వ తేదీ ఉదయం 10 గంటలకు ఎన్‌ఆర్‌ఐ/ఎన్‌ఆర్‌ఐ ప్రాయోజిత కోటా బీఎస్సీ (ఆనర్స్‌) అగ్రికల్చర్‌, బీఎస్సీ (ఆనర్స్‌) కమ్యూనిటీ సైన్స్‌, బీటెక్‌ (ఫుడ్‌ టెక్నాలజీ), బీటెక్‌ (అగ్రికల్చరల్‌ ఇంజనీరింగ్‌) కోర్సులలో సీట్ల భర్తీకి వాక్‌ ఇన్‌ కౌన్సిలింగ్‌ నిర్వహించనున్నట్లు ప్రొఫెసర్‌ జయశంకర్‌ తెలంగాణ వ్యవసాయ విశ్వవిద్యాలయం రిజిస్ట్రార్‌ డాక్టర్‌ జి.ఇ.సిహెచ్‌. విద్యాసాగర్‌ ప్రకటించారు. అదేరోజు అనగా 30వ తేదీ మధ్యాహ్నం రెండు గంటలకు ప్రొఫెసర్‌ జయశంకర్‌ తెలంగాణ వ్యవసాయ విశ్వవిద్యాలయం మరియు వెస్టర్న్‌ సిడ్నీ యూనివర్సిటీలు సంయుక్తంగా అందిస్తున్న డ్యూయల్‌ డిగ్రీ కోర్సు బీఎస్సీ (ఆనర్స్‌) అగ్రికల్చర్‌ కోర్సులో ప్రవేశాల కోసం వాక్‌ ఇన్‌ కౌన్సిలింగ్‌ జరగనుందని రిజిస్ట్రార్‌ తెలిపారు. రాజేంద్రనగర్‌ లోని విశ్వవిద్యాలయం పరీక్షల నియంత్రణ విభాగంలో ఈ రెండు కౌన్సెలింగ్‌ లు నిర్వహించనున్నట్లు డాక్టర్‌ విద్యాసాగర్‌ వివరించారు. ఆసక్తిగల అభ్యర్థులు అన్ని ఒరిజినల్‌ ధృవపత్రాలు మరియు వెబ్‌ సైట్‌ లో సూచించిన రుసుమును తీసుకొని కౌన్సిలింగ్‌ కు హాజరుకావాలని ఆయన సూచించారు. పూర్తి వివరాల కొరకు విశ్వవిద్యాలయ వెబ్‌ సైట్‌ www.pjtau.edu.in ను సందర్శించగలరని రిజిస్ట్రార్‌ డాక్టర్‌ జి.ఇ.సిహెచ్‌. విద్యాసాగర్‌ తెలిపారు.

16 Aug, 2025

రైతునేస్తం0 commentsAugust 16, 2025agri news

ఆంధ్రప్రదేశ్‌లో ఆహార నాణ్యత పరీక్షా కేంద్రాలు ఏర్పాటు

రాష్ట్రస్థాయి ఆహార నాణ్యత పరీక్షా కేంద్రాలు విశాఖ, గుంటూరు, తిరుమల, తిరుపతి, కర్నూలులో ఏర్పాటు చేస్తున్నామని ఆంధ్రప్రదేశ్‌ వైద్యారోగ్య శాఖ మంత్రి సత్యకుమార్‌ యాదవ్‌ శుక్రవారం ఓ ప్రకటనలో తెలిపారు. ఫుడ్‌ సేఫ్టీ అండ్‌ స్టాండర్డ్‌ అథారిటీ ఆఫ్‌ ఇండియాతో కలిసి వీటిని అందుబాటులోకి తెస్తున్నట్లు పేర్కొన్నారు. ల్యాబొరేటరీల నిర్మాణం, ఆధునికీకరణకు సుమారు రూ.100 కోట్లు వెచ్చిస్తున్నామన్నారు. తిరుమల, విశాఖపట్నంలలోని రాష్ట్రస్థాయి లేబొరేటరీల్లో ఆహార నమూనాల పరీక్షలు నెల రోజుల్లో ప్రారంభిస్తామన్నారు. ఒంగోలు, ఏలూరుల్లోని ప్రజా రోగ్య ప్రయోగశాలలలో రూ.13 కోట్లతో ఆధునిక పరికరాల కొనుగోలుకు అనుమతిచ్చినట్లు వివరించారు.

Recent Posts