Livestock

22 Oct, 2025

రైతునేస్తం0 commentsOctober 22, 2025agri news

జాతీయ నమూనాగా రాజస్థాన్‌లోని గోశాల

ఆవుల సంరక్షణ కోసం 11,000 చదరపు అడుగుల విస్తీర్ణంలో అత్యాధునిక సంరక్షణ యూనిట్‌ను రాజస్థాన్‌ రాజధాని జైపుర్‌ లోని హింగోనియా గోశాలలో ప్రారంభించారు. గాయపడిన, అనారోగ్యంతో ఉన్న పశువులకు ఇక్కడ చికిత్స చేస్తారు. 30,000 చదరపు అడుగుల విస్తీర్ణంలో అత్యాధునిక పశువైద్య భవనం కూడా నిర్మితమవుతోంది. ఈ పునరావాస కేంద్రంలో సుమారు 18,000 పశువులు సంరక్షణ పొందవచ్చు. గాయపడిన, అనారోగ్యంతో ఉన్న కొన్ని వందల పశువులను జైపుర్‌ మున్సిపల్‌ కార్పొరేషను సిబ్బంది, జంతు ప్రేమికులు ప్రతిరోజూ ఈ కేంద్రానికి తీసుకువస్తారు. హింగోనియాను దేశంలో గోసేవకు ఆదర్శవంతమైన నమూనాగా మార్చడానికి ప్రయత్నాలు జరుగుతున్నాయని పునరావాస కేంద్రం మేనేజరు ప్రేమ్‌ ఆనంద్‌ తెలిపారు.

6 Oct, 2025

రైతునేస్తం0 commentsOctober 6, 2025agri news

రెడ్‌ బగ్స్‌తో పంటలకు నష్టం చాలా ఎక్కువ

రెడ్‌ కొరీడ్‌ బగ్స్‌ చీడపురుగులు పంటను ఆశిస్తే రైతుకు తీవ్ర నష్టం తప్పదు. పత్తి, వేరుసెనగ వంటి పంటలను ఎక్కువగా ఆశిస్తాయి. ఆకుల రసం పీల్చే యడం వల్ల దిగుబడి తగ్గడంతో పాటు పంట నాణ్యత పూర్తిగా దెబ్బతింటుందని దర్శి కృషివిజ్ఞాన కేంద్రం ప్రధాన శాస్త్రవేత్త సీహెచ్‌ వరప్రసాదరావు తెలి పారు. వేపనూనె పిచికారీ ద్వారా వీటిని నివారించవచ్చని వివరించారు. ప్రకాశం జిల్లాలో వర్షాలు పడుతుండడంతో ఒంగోలు సమీపంలోని త్రోవగుంట వద్ద ఓ పొలంలో కనిపించాయి.

17 Sep, 2025

రైతునేస్తం0 commentsSeptember 17, 2025agri news

అగ్రి పీజీ కోర్సుల్లో ప్రవేశాలకు ఈనెల 18 వరకు గడువు పొడిగింపు

2025-26 విద్యా సంవత్సరానికి ఆచార్య ఎన్‌. జి.రంగా వ్యవసాయ విశ్వవిద్యాలయంలో అగ్రి ఎమ్మెస్సీ, ఎంటెక్‌, ఎంబీఏ, పీహెచ్‌డీ, ఎంబీఏ (ఎస్‌ఎఫ్‌క్యూ) కోర్సుల్లో ప్రవేశాలకు దరఖాస్తు గడువును ఈ నెల 18 వరకు పొడిగించారు. ఈ మేరకు వర్సిటీ రిజిస్ట్రార్‌ ఎం.వి. రమణ మంగళవారం ఒక ప్రకటన విడుదల చేశారు. అర్హత గల అభ్యర్థులు ఆన్‌లైన్‌ దరఖాస్తు సమర్పించి, హార్డ్‌ కాపీని ఈ నెల 22 లోపు లాంలోని వర్సిటీ పరిపాలన భవనంలో అందజేయాలన్నారు. పూర్తి వివరాలకు గీగీగీ.బిదీవీజీబితి.బిబీ.రిదీ వెబ్‌సైట్‌ను చూడాలని చెప్పారు.

16 Aug, 2025

రైతునేస్తం0 commentsAugust 16, 2025agri news

ఆంధ్రప్రదేశ్‌లో ఆహార నాణ్యత పరీక్షా కేంద్రాలు ఏర్పాటు

రాష్ట్రస్థాయి ఆహార నాణ్యత పరీక్షా కేంద్రాలు విశాఖ, గుంటూరు, తిరుమల, తిరుపతి, కర్నూలులో ఏర్పాటు చేస్తున్నామని ఆంధ్రప్రదేశ్‌ వైద్యారోగ్య శాఖ మంత్రి సత్యకుమార్‌ యాదవ్‌ శుక్రవారం ఓ ప్రకటనలో తెలిపారు. ఫుడ్‌ సేఫ్టీ అండ్‌ స్టాండర్డ్‌ అథారిటీ ఆఫ్‌ ఇండియాతో కలిసి వీటిని అందుబాటులోకి తెస్తున్నట్లు పేర్కొన్నారు. ల్యాబొరేటరీల నిర్మాణం, ఆధునికీకరణకు సుమారు రూ.100 కోట్లు వెచ్చిస్తున్నామన్నారు. తిరుమల, విశాఖపట్నంలలోని రాష్ట్రస్థాయి లేబొరేటరీల్లో ఆహార నమూనాల పరీక్షలు నెల రోజుల్లో ప్రారంభిస్తామన్నారు. ఒంగోలు, ఏలూరుల్లోని ప్రజా రోగ్య ప్రయోగశాలలలో రూ.13 కోట్లతో ఆధునిక పరికరాల కొనుగోలుకు అనుమతిచ్చినట్లు వివరించారు.

13 Aug, 2025

రైతునేస్తం0 commentsAugust 13, 2025agri news

పాడి రైతులకు అండగా పశువుల బీమా

ఆంధ్రప్రదేశ్‌ రాష్ట్ర ప్రభుత్వం పశుసంవర్ధక శాఖ ద్వారా అమలు చేస్తున్న పశువుల బీమా పథకం పాడి రైతులను ఆదుకుంటోంది. ఇటీవల అంతుపట్టని వ్యాధులు, విద్యుత్‌ఘాతాలు, చెరువులు, నదీ జలాల్లో పశువులు మునిగి చనిపోవడం వంటి ఘటనల వలన ఆసరాగా ఉంటున్న పాడి పశువు మృతితో పోషకులు జీవనోపాధి కోల్పోతున్నారు. మరో పాడి పశువు కొనుగోలుకు ఆర్థిక ఇబ్బందులు ఎదురవుతున్నాయి. ఆయా సమస్యలకు బీమా పథకంలో చేరడం ఒక్కటే పరిష్కార మార్గమని పశువైద్యాధికారి కె. మాధవ రావు సూచిస్తున్నారు.

80 శాతం రాయితీపై గేదెలు, ఆవులకు పథకం అమలు చేస్తారు.
ఎస్సీ, ఎస్టీ, దారిద్య్రరేఖకు దిగువన ఉన్న కుటుంబాలకు వర్తిస్తుంది.
ఒకసారి బీమా చెల్లిస్తే మూడేళ్లపాటు అమల్లో ఉంటుంది.
పశువుకు చెవి పోగు వేయించి బీమా నమోదు చేసుకోవాలి.
పూర్తి వివరాలకు రైతు సేవా కేంద్రం, సమీప పశు వైద్యశాలలో సంప్రదించాలి.

13 Aug, 2025

రైతునేస్తం0 commentsAugust 13, 2025agri news

అగ్రి, హార్టీ, వెటర్నరీ కోర్సుల్లో ప్రవేశాలకు 19 నుంచి కౌన్సెలింగ్‌

తెలంగాణాలోని వ్యవసాయ, ఉద్యాన, పశువైద్య విశ్వవిద్యాలయాల పరిధిలోని కళాశాలల్లో బీఎస్సీ, బీవీఎస్సీ డిగ్రీ కోర్సుల్లో ప్రవేశాలకు హైదరాబాద్‌ రాజేంద్రనగర్‌లోని అగ్రివర్సిటీ ఆడిటోరియంలో ఈ నెల 19 నుంచి కౌన్సెలింగ్‌ నిర్వహిస్తున్నట్లు అగ్రివర్సిటీ రిజిస్ట్రార్‌ వెల్లడించారు. తొలిరోజు ఉదయం పది గంటల నుంచి టీజీఈఏపీసెట్‌లో 1450 వరకు ర్యాంకులు సాధించినవారికి కౌన్సెలింగ్‌ నిర్వహిస్తామని, ఈ నెల 23 నాటికి 4499 వరకు ర్యాంకులు సాధించిన వారికి కౌన్సెలింగ్‌ జరుగుతుందని తెలిపారు.

7 Aug, 2025

రైతునేస్తం0 commentsAugust 7, 2025agri news

ఆంధ్రప్రదేశ్‌ రాష్ట్రం నుంచి 34,196 టన్నుల ఉద్యాన ఉత్పత్తులు కిసాన్‌ రైలు ద్వారా రవాణా

2020 ఆగస్టు 7 నుంచి ఇప్పటివరకు ఆంధ్రప్రదేశ్‌ నుంచి అస్సాం, బిహార్‌, పశ్చి మబెంగాల్‌, దిల్లీ, త్రిపుర రాష్ట్రాలకు కిసాన్‌ రైలు 116 ట్రిప్పులు తిరిగింది. దీని ద్వారా 34,196 టన్నుల పండ్లు, కూరగాయల రవాణా జరిగింది. ఇందులో అరటి, మామిడి, ఉల్లి రకాలు కూడా ఉన్నాయి. 2024-25లో కంటెయినర్‌ కార్పొరేషన్‌ సంస్థ ఆంధ్రప్రదేశ్‌లోని తాడిపత్రి నుంచి 524, విశాఖపట్నం నుంచి 113 కంటెయినర్ల సరకును రవాణా చేసింది. బుధవారం లోక్‌సభలో తెదేపా ఎంపీలు కేశినేని శివనాథ్‌, దగ్గుమళ్ల ప్రసాదరావు, లావు శ్రీకృష్ణదేవరాయలు అడిగిన ప్రశ్నకు రైల్వేమంత్రి అశ్వినీవైష్ణవ్‌ ఈమేరకు సమాధానం ఇచ్చారు.

24 Jul, 2025

రైతునేస్తం0 commentsJuly 24, 2025agri news

అధిక మోతాదులో రసాయన ఎరువుల వాడకం

– మిరప, మొక్కజొన్నల్లో భారీగా వాడుతున్నారు

– జొన్నలోనూ యూరియా వాడకం 417% అధికం

రసాయన ఎరువుల బస్తాలు ఎన్ని ఎక్కువ వాడితే.. పంట దిగుబడి అంత ఎక్కువగా వస్తుందనే ఆలోచనే రైతులను పరిమితికి మించిన వాడకం దిశగా నడిపిస్తోంది. పెట్టుబడి వ్యయం పెరగడానికి ఇదీ ఒక కారణం. ఆంధ్రప్రదేశ్‌లో 2024-25 సంవత్సరంలో పంటల వారీగా చూస్తే ఎరువుల వాడకంలో మిరప అగ్రస్థానంలో ఉండగా మొక్కజొన్న రెండోస్థానంలో నిలిచింది. జొన్న, వేరు శనగ, పసుపు, పప్పుధాన్యాలు తదితర పంటలకూ యూరియాను కుమ్మరిస్తున్నారు. *మిరపలో ఎరువుల వాడకం అధికం* రాష్ట్రంలో రసాయన ఎరువులు అత్యధికంగా వాడే పంట మిరప.. వ్యవసాయశాఖ లెక్కల ప్రకారమే హెక్టారుకు 1,325 కిలోల వాడకం ఉంది. సిఫార్సు చేసిన మోతాదు కంటే యూరియా 78%, భాస్వరం 122% అధికంగా వాడుతున్నారు. వాస్తవంగా చూస్తే రైతులు ఇంతకు రెట్టింపుస్థాయిలోనే వాడుతున్నారు. ఫలితంగా మిరపకు ఎకరాకు రూ. 3 లక్షల పెట్టుబడి అవుతోంది. తీరా చూస్తే ధరలు దక్కడం లేదు. క్వింటాలుకు రూ.10 వేలు ఉన్నా గిట్టుబాటు కాని పరిస్థితి. లక్షల్లో నష్టపోతున్నారు. ఎరువుల వాడకం తగ్గించుకుంటే పెట్టుబడి కూడా తగ్గుతుందని ఆలోచించడం లేదు.*మొక్కజొన్న సాగులోనూ భారీగా…* ఎరువుల వినియోగం అధికంగా ఉండే రెండో పంట మొక్కజొన్న. హెక్టారుకు 565 కిలోలు వాడుతున్నట్లు వ్యవసాయశాఖ గణాంకాలు వెల్లడిస్తున్నాయి. వాస్తవ వినియోగం ఇంకా ఎక్కువే. రెండు మూడేళ్లుగా గిట్టుబాటు ధరలు లభిస్తుండటంతో అధిక శాతం రైతులు మొక్కజొన్న సాగుకు మొగ్గుచూపిస్తున్నారు. ఇతర పంటల సాగులో నష్టాలతో.. ప్రత్యామ్నాయ పంటగా మొక్కజొన్ననే ఎంచుకుంటున్నారు

.*జొన్న సాగుకు 417% అధికంగా యూరియా:* జొన్న సాగులో సిఫారసు చేసిన మోతాదుకు మించి 417% అధికంగా యూరియాను వినియోగిస్తున్నారు. వేరుశనగకు కూడా 303% అధికంగా వేస్తున్నారు. గడ్డి పెంపకానికి 283% అధికంగా వాడటం గమనార్హం.

*అపోహ మాత్రమే* భూసార పరీక్షలు చేయించుకుని.. అవసరం మేరకు రైతులు ఎరువులు వాడాలి. ఎక్కువ వేస్తే దిగుబడి పెరుగుతుందనేది కేవలం అపోహ మాత్రమే. నత్రజని ఎక్కువగా వాడితే చీడపీడలు పెరుగుతాయి. వాటి నివారణకు పురుగుమందులు ఎక్కువగా చల్లాలి. పంటల నాణ్యత దెబ్బతింటుంది. భూగర్భజలాలు కలుషితమవుతాయి. ఎరువుల్ని సిఫార్సు మేరకు మాత్రమే అందించాలి. లేదంటే మొక్కల్లో రోగనిరోధకత తగ్గుతుంది. కరవు పరిస్థితుల్లో నానో ఎరువులు పిచికారి చేస్తే మంచి ప్రయోజనం ఉంటుంది. అయితే నేల ద్వారా అందించడమూ ముఖ్యమే.- *వి. శైలజ,* ప్రధాన శాస్త్రవేత్త, సాయిల్‌ సైన్స్‌, ప్రాంతీయ పరిశోధనాస్థానం, లాం, గుంటూరు

18 Jul, 2025

రైతునేస్తం0 commentsJuly 18, 2025agri news

అగ్రికల్చర్‌ పాలిటెక్నిక్‌లో అడ్మిషన్‌

10వ తరగతి లేదా ఇంటర్‌ పాస్‌ అయ్యి, 22సం|| లోపు వయస్సు గల విద్యార్థినీ, విద్యార్థులు అగ్రికల్చర్‌ డిప్లొమా / అగ్రికల్చరల్‌ ఇంజినీరింగ్‌ డిప్లొమా కోర్సులలో చేరుటకు పాలీసెట్‌ పరీక్ష రాయకపోయినా డా|| డి. రామానాయుడు విజ్ఞానజ్యోతి అగ్రికల్చర్‌ పాలిటెక్నిక్‌ కాలేజీలో అడ్మిషన్‌ పొందుటకు అవకాశం కలదు. పరిమిత సీట్లు కలవు. 10వ తరగతి మెమో, టి.సి., బోనఫైడ్‌, కులధృవీకరణ సర్టిఫికెట్‌తో కాలేజీలో ఆగష్టు, 2025 మొదటి వారంలోపు సంప్రదించండి.డైరెక్టర్‌*డా|| డి. రామానాయుడు విజ్ఞానజ్యోతి అగ్రికల్చర్‌ పాలిటెక్నిక్‌*(Affiliated to Professor Jayashankar Telangana Agricultural University, Rajendranagar)తునికి గ్రామం, కౌడిపల్లి మండలం, మెదక్‌ జిల్లాఫోన్‌: 9493461818, 9989147966

18 Jul, 2025

రైతునేస్తం0 commentsJuly 18, 2025agri news

మన రైతులకు నీళ్లిస్తే బంగారం పండిస్తారు ముఖ్యమంత్రి చంద్రబాబు

మన రైతులకు నీళ్ళిస్తే బంగారం పండిస్తారని ఆంధ్రప్రదేశ్‌ ముఖ్యమంత్రి చంద్రబాబు పేర్కొన్నారు. హంద్రీ నీవా ప్రాజెక్టు ప్రధాన కాలువ సామర్థ్యాన్ని 2,200 క్యూసెక్కుల నుంచి 3,850 క్యూసెక్కులకు పెంచడంతో రాయలసీమ రైతాంగానికి మేలు జరుగుతుందని వివరించారు. హంద్రీ నీవా ప్రధాన కాలువ విస్తరణ పనుల్ని శరవేగంగా పూర్తిచేశామని, ఇదే స్ఫూర్తితో త్వరలోనే ఫేజ్‌-2 పూర్తి చేద్దామని పిలుపునిచ్చారు. జలహారతి కార్యక్రమంలో భాగంగా గురువారం హంద్రీ నీవాకు నీరు విడుదల చేసిన చంద్రబాబు ఎక్స్‌ వేదికగా స్పందిస్తూ.. ”నాకు చాలా సంతోషంగా, సంతృప్తిగా ఉంది. రాయలసీమ ప్రాంతానికి నీళ్లిచ్చి రైతన్నలకు మంచి చేస్తే కలిగే సంతోషం ఎప్పుడూ ప్రత్యేకమే. నాలుగు ఉమ్మడి జిల్లాల్లో 33 లక్షల మందికి తాగు నీరు, 6 లక్షల ఎకరాలకు సాగునీరు అందించే ప్రాజెక్టును పూర్తిచేస్తాం. ప్రతి ఎకరాకు నీరు అందించాలనే సంకల్పాన్ని అందరి దీవెనలతో నెరవేరుస్తాం. రైతన్నల సాగునీటి కష్టాలు తీర్చి వారి జీవన ప్రమాణాలు మెరుగుపరుస్తాం” అని వివరించారు.

Recent Posts