వండని వంట… ఉసిరి పులుసు

కావాల్సిన పదార్థాలు

  • ఉసిరి కాయలు కొన్ని (వీటిని ‘పప్పు ఉసిరి కాయలు’ అని పిలుస్తారు)
  • ఉల్లిగడ్డ ఒకటి * కొత్తిమీర
  • కరివేపాకు * కొద్దిగా ఉప్పు
  • జీలకర్ర కొద్దిగా * ఒక పచ్చిమిర్చి

తయారుచేయు విధానం: ఉసిరికాయలు ఒక్కొక్కటిగా చిన్న రోట్లో దంచుకుని విత్తనాలను తీసివేయాలి. ఆ ముక్కలను చిన్న జారులో మెత్తగా గ్రైండ్ చేసుకోవాలి. కొంచము నీటిని కలుపుకుంటూ మెత్తగా మిక్సీ చేసుకోవాలి. ఆ తర్వాత రెండు గ్లాసుల నీరు కలుపుకొని దానిలో సన్నగా తరిగిన ఉల్లిపాయలు, జీలకర్రతో కలిపి దంచుకున్న పచ్చిమిర్చి, కొద్దిగా కొత్తిమీర, కొద్దిగా కరివేపాకు, తగినంత ఉప్పు కలుపుకోవాలి.

ఉసిరి పులుసు అన్నంలో పప్పు కర్రీతో కానీ, ఇతర ఫ్రై కూరగాయలతో కానీ కలిపి తింటే చాలా టేస్టీగా ఉంటుంది. ముఖ్యంగా చింతపండును ఉపయోగించే బదులుగా ఉసిరి ఎక్కువగా కాస్తున్న కాలంలో వీటిని ఉపయోగించుకుంటే బాగుంటుందని ఆలోచన.

రచనః ఇమ్మిడిశెట్టి ప్రభాకరరావు, హన్మకొండ, తెలంగాణ
……………………………………………………………………………………………………………………………………
రైతునేస్తం ప్రచురణ ‘వండని వంటలు’ పుస్తకం కొరకు ఫోన్: 9676797777కు సంప్రదించండి.

Read More

వండని వంట… వేరుశనగ బెల్లం పొడి

వేరుశనగ బెల్లం పొడి తయారీ…

దోసెడు పచ్చి వేరుశనగలను శుభ్రం చేసుకుని, మిక్సీలో వేసి బరుకగా పొడి చేసుకోవాలి.

ఆ పొడికి తగిన మోతాదు ముడిబెల్లాన్ని కూడా ముక్కలు ముక్కలుగా చేసి, వేరుశనగ పొడిలో కలిపి మిక్సీలో కొద్దిగా తిప్పాలి. అంతే. వేరుశనగ బెల్లం పొడి తయారు.

వృద్దులు పిల్లలు కూడా, ఎంతో ఇష్టంగా తింటారు.

గది ఉష్ణోగ్రత వద్ద కూడా, వారం పది రోజుల పాటు నిల్వ ఉంటుంది.

స్కూల్ నుండి సాయంత్రం వచ్చిన పిల్లలకు, సాయంత్రం టీ సమయంలో వృద్దులకు, గుప్పెడు పచ్ౘ్ి వేరుశనగ ముడిబెల్లపు పొడిని తినడానికి ఇవ్వండి.

వయసుతో సంబంధం లేకుండా అందరూ తినవచ్చు.

రచన: తుమ్మేటి రఘోత్తమరెడ్డి

రైతునేస్తం ప్రచురణ ‘వండని వంటలు’ పుస్తకం కొరకు Ph: 9676797777కు సంప్రదించండి

Read More