చిత్తూరు జిల్లా గుడుపల్లె మండలం శెట్టిపల్లెలోని ఓ ప్రైవేటు కల్యాణ మండపంలో జరిగిన వ్యాపార సంబంధాల వేదిక కార్యక్రమంలో రసాయన రహిత ప్రకృతి వ్యవసాయంతో సంపూర్ణ ఆరోగ్యం సాధ్యమని ఎమ్మెల్సీ కంచర్ల శ్రీకాంత్ అన్నారు. ప్రకృతి వ్యవసాయ ఉత్పత్తుల స్టాళ్లు, నమూనాలను పరిశీలించారు. ఉత్పత్తుల తయారీ, ప్రాసెసింగ్, విక్రయాల గుర్తించి రైతులను అడిగి తెలుసుకున్నారు. కుప్పం నియోజకవర్గంలో ప్రకృతి సాగు చేస్తున్న రైతులకు సరైన ధర కల్పించాలన్న ఉద్దేశంతో రైతు సాధికార సంస్థ సహకారంతో ఈ కార్యక్రమాన్ని నిర్వహించినట్లు తెలిపారు. కార్యక్రమంలో ఆర్టీసీ వైస్ ఛైర్మన్ పీఎస్ మునిరత్నం, పీకేఎం ఉడా చైర్మన్ సురేష్ బాబు, డీఏవో మురళి, రైతునేస్తం ఫౌండేషన్ ప్రతినిధి వేంకటేశ్వరరావు పాల్గొన్నారు.