దిల్లీలోని ప్రగతిమైదాన్‌లో నిర్వహించిన అంతర్జాతీయ వ్యవసాయ, ఉద్యాన, ఆర్గానిక్‌ ప్రదర్శనలో జాతీయ వ్యవసాయ పరిశోధన నిర్వహణ సంస్థ(నార్మ్‌) కు ప్రథమ బహుమతి లభించింది. వందకు పైగా సంస్థలు పాల్గొన్న ఈ ప్రదర్శనలో శిక్షణ, అభ్యాసం, పరిశోధన, సామర్థ్య నిర్వహణలో విశేష ప్రతిభ కనబరిచిన సంస్థలను ఈ పురస్కారానికి ఎంపిక చేశారు. కేంద్ర రోడ్డు రవాణా, రహదారులు, కార్పొరేటు వ్యవహారాల శాఖ సహాయమంత్రి హర్ష్‌ మల్హోత్రా చేతుల మీదుగా సోమవారం నార్మ్‌ విస్తరణ నిర్వహణ విభాగం వెంకటకుమార్‌, ముఖ్యశాస్త్రవేత్త శివకుమార్‌లు ఈ పురస్కారం పొందారు.