వండని వంట… చియా ఫుడ్డింగ్
తయారుచేయు విధానం: తాజా కొబ్బరి ముక్కల నుంచి పాలు తీసి ఈ ఫుడ్డింగ్ తయారు చేయవచ్చు. లేకపోతే టెట్రా ప్యాక్‌లో దొరికే కొబ్బరిపాలు వాడుకోవచ్చు. ఒక కప్పు పాలలో రెండు స్పూన్లు చియా సీడ్స్ వేసి బాగా కలపాలి. లేకపోతే అవి గడ్డ కడతాయి. దానిలో రెండు స్పూన్లు తేనె వేసి బాగా కలపాలి. ఐదారు ఖర్ౙూర పండ్లను ముక్కలుగా కట్ చేసి వేసుకోవాలి. స్వీట్ ఎక్కువ కావాలంటే ఇంకా కొన్ని వేసుకోవచ్చు. కానీ ఇది స్వీట్ తక్కువ ఉంటేనే బాగుంటుంది. దీనిని నాలుగైదు గంటలు ఫ్రిజ్‌లో ఉంచి తర్వాత తీసి దానిలో పండ్ల ముక్కలు, డ్రైఫ్రూట్స్ ఏవి కావాలంటే అవి కలిపి తినవచ్చు. బ్రేక్ ఫాస్ట్‌లో తినాలంటే రాత్రి నానబెట్టి పొద్దున్నే తినాలి. ఫ్రిజ్‌లో పెట్టటం ఇష్టం లేని వారు చియా సీడ్స్‌ను విడిగా నానబెట్టి తినేముందు పాలలో కలుపుకోవచ్చు.
కావలసిన పదార్థాలు
- చియా సీడ్స్ – రెండు స్పూన్లు
- కొబ్బరిపాలు – ఒక కప్పు
- తేనె – రెండు టీ స్పూన్లు
- ఖర్జూరం – ఐదారు
- కొన్ని రకాల పండ్ల ముక్కలు (ఎన్ని వీలైతే అన్ని)
రచనః లతా కృష్ణమూర్తి, కుషాయిగూడ, హైదరాబాద్, తెలంగాణ.
రైతునేస్తం ప్రచురణ ‘వండని వంటలు’ పుస్తకం కొరకు ఫోన్: 9676797777కు సంప్రదించండి.
