#ఆవపచ్చడి

కావాల్సిన పదార్థాలు

బూడిద గుమ్మడికాయ ముక్కలు – పావు కిలో
ఆవపిండి – మూడు టేబుల్ స్పూన్లు.
జీలకర్ర, మెంతుల పొడి – పావు టీస్పూన్
ఉప్పు, కారం – తగిన మోతాదులో
పసుపు – చిటికెడు
అల్లం వెల్లుల్లి పేస్ట్ – రెండు టీ స్పూన్లు,
వెల్లుల్లి రెబ్బలు – 10 నుండి 15 వరకు,
మూడు నిమ్మకాయల రసం
జిలకర, మెంతులు, ఆవాలు కొద్దిగా
నువ్వుల నూనె – తగిన మోతాదులో

తయారుచేయు విధానం: కొద్దిగా బూడిద పోసిన బూడిది గుమ్మడికాయను శుభ్రంగా కడిగి పైన ఉన్నటువంటి మందంపాటి చెక్కు తీసేసి చిన్న చిన్న ముక్కలుగా తరుగుకొని వాటిని ఒక అరగంట సేపు ఆరబెట్టి, ఆరిన తర్వాత ముక్కలకి మిగతా పదార్థాలు అన్నిటినీ కలుపుకొని పొడిగా ఉన్నటువంటి గాజు సీసాలో కానీ లేదా జాడీలో కానీ తీసి పెట్టుకోవాలి మూడు రోజుల తర్వాత ఉపయోగిస్తే కరకరలాడుతూ చాలా బాగుంటుంది. ఫ్రిజ్లో పెడితే నెలరోజుల వరకు ముక్క మెత్త పడకుండా బాగుంటుంది.

సముద్రాల రమణ, హన్మకొండ, తెలంగాణ

రైతునేస్తం ప్రచురణ ‘వండని వంటలు’ పుస్తకం కొరకు ఫోన్: 9676797777కు సంప్రదించండి.

వండని వంట… కాకరకాయ ఆవ పచ్చడి

కావాల్సిన పదార్థాలు

కాకరకాయలు – పావు కేజీ,
ఆవపిండి – మూడు టేబుల్ స్పూన్లు
కారం – సరిపడేంత
ఉప్పు – తగిన మోతాదులో
పసుపు చిటికెడు
మూడు కాయల నిమ్మరసం
అల్లం వెల్లుల్లి పేస్టు – రెండు టీ స్పూన్లు
వెల్లుల్లి రెబ్బలు – 10 నుండి 15
బెల్లం తురుము నాలుగు టీ స్పూన్లు
జిలకర, మెంతులు, ఆవాలు – కొద్దిగా
సరిపడునంత నువ్వుల నూనె

తయారుచేయు విధానం: కాకరకాయలను శుభ్రంగా కడిగి ఆరబెట్టుకొని, ఇష్టమైన రీతిలో ముక్కలుగా కోసిపెట్టుకొని, వాటికి తగిన మోతాదులలో తమ తమ రుచులకు అనుగుణంగా కారం, ఆవపిండి, ఉప్పు, జీలకర్ర ఆవాల పొడి, మెంతి పొడి, వెల్లుల్లి రెబ్బలు, బెల్లం తురుము, నువ్వుల నూనె, నిమ్మరసం చేర్చి చేతితో మంచిగా కలుపుకొని, పొడిగా ఉన్న గాజు సీసాలోకి తీసి పెట్టుకోవాలి. ఫ్రిజ్‌లో పెట్టుకుంటే అయిదారు నెలలు లేదా బయట పెట్టుకుంటే 15 రోజుల వరకు పాడవకుండా ఉంటుంది.

రచన : సముద్రాల రమణ, హన్మకొండ, తెలంగాణ

వండని వంట… బ్రకోలి ఆవ పచ్చడి

కావాల్సిన పదార్థాలు

బ్రకోలి ముక్కలు – పావు కేజీ.
ఆవపిండి – మూడు టేబుల్ స్పూన్లు.
జీలకర్ర, మెంతిపొడి – పావు టీ స్పూను
కారం, ఉప్పు తగిన మోతాదులో.
పసుపు – చిటికెడు
అల్లం వెల్లుల్లి పేస్ట్ – 2 టేబుల్ స్పూన్లు.
వెల్లుల్లి రెబ్బలు 10 నుండి 15
మూడు నిమ్మకాయల రసం
నువ్వుల నూనె సరిపోయేంత

తయారు చేయు విధానం:
ముందుగా బ్రకోలీ కడిగి చిన్న చిన్న ముక్కలుగా తరిగి పెట్టుకొని, ఒక అరగంట సేపు, తేమ లేకుండా ఆరనివ్వాలి. తేమ వల్ల బూజు పడుతుంది. ఆరిన ముక్కలకి మిగతా పదార్థాలు అన్నిటిని కలుపుకొని, పొడిగా ఉన్న గాజు సీసాలో కానీ, జాడీలో కానీ తీసి పెట్టుకోవాలి. నూనె, ఉప్పు సరిపడంత ఉండాలి. అప్పుడే ఏదైనా పచ్చడి బూజు పట్టకుండా ఉంటుంది. మూడు రోజుల తర్వాత వాడుకోవాలి. బయట నిల్వ ఉంటే, పది రోజుల వరకు ఉంటుంది. ఫ్రిజ్‌లో పెట్టుకుంటే నెలరోజుల వరకు కూడా ముక్క మెత్తబడకుండా ఉంటుంది.

ఇమ్మిడిశెట్టి ప్రభాకరరావు, హన్మకొండ, తెలంగాణ

Recent Posts