కావాల్సిన పదార్థాలు

  • చింతకాయలు
  • పచ్చి మిరపకాయలు
  • మెంతులు * జీలకర్ర
  • ఉప్పు * పసుపు
  • ఎల్లిపాయలు
    (చింతకాయల పరిమాణాన్ని బట్టి సుమారుగా రుచికి సరిపడా మిగతా పదార్ధాలను వాడాలి)

తయారుచేయు విధానం: చింతకాయలను కడిగి ఆరిన తరువాత, చింతకాయలు, మిరపకాయలు, ఎల్లిపాయలు కొద్దికొద్దిగా రోట్లో వేసి దంచుకోవాలి. మెంతులు, జీలకర్రను పొడి చేసికొని దంచి ఉంచిన చింతకాయల మిశ్రమంలో మెంతి పొడి, జీలకర్ర పొడి పసుపు, ఉప్పు వేసి మళ్ళీ కొంచెం కొంచెం రోట్లో వేసి దంచుకోవాలి. ఒకటి రెండు రోజుల తరువాత, తొక్కులో ఏమైనా చింతగింజలు ఉంటే ఏరి పారెయ్యాలి. (పచ్చి మిరపకాయలకు బదులుగా పండు మిరపకాయలను కూడా వాడవచ్చు)
అంతే! సింపుల్ చింతకాయ తొక్కు రెడీ.

ఈ చింతకాయ తొక్కును అంబలిలో వేసుకొని తాగుతూ ఉంటే చాలా రుచిగా ఉంటుంది. చాలా కాలం నిల్వ ఉంటుంది.
అన్ని రకాల పచ్చళ్ళలో నూనె పోసి నిల్వ చేస్తారు కానీ, చింతకాయ పచ్చడిలో నూనె పొయ్యకుండా నిల్వ చేస్తారు!

  • కర్నాటి శశికళ, బడంగ్‌పేట్, హైదరాబాద్, తెలంగాణ

రైతునేస్తం ప్రచురణ ‘వండని వంటలు’ పుస్తకం కొరకు ఫోన్: 9676797777కు సంప్రదించండి.