నేల తంగేడు ఒక చిన్నపాటి ఏకవార్షిక లేదా బహువార్షిక మొక్క లేదా పొద. సుమారు 60-90 సెం.మీ. ఎత్తు పెరుగుతుంది. ఆకులు సంయుక్తం. పత్రకాలు 7-8 జతలుంటాయి. నూగు లేకుండా నున్నగా, లేత ఆకుపచ్చ పసుపు పచ్చ వర్ణం కలిగి ఉంటాయి. పూవులు పసుపు రంగులోను, కాయలు ఆకుపచ్చ, గోధుమ మిశ్రమ వర్ణంలో, గింజలు 5-7 వరకు ఉండి, దట్టమైన గోధుమ వర్ణం కలిగి నున్నగా ఉంటాయి.
సాధారణ నామం : పెన్నా / సునాముఖి / సనాయ్ శాస్త్రీయ నామం : క్యాసియా అంగుస్టిఫోలియా కుటుంబం: సీసాల్పినియేసి
ఉపయోగాలు : ఔషధరంగంలో …
- ఆకులు, కాయలకు ఔషధగుణాలున్నాయి. దీనికాయలలో సెన్నోసైడ్ ‘ఎ’, ‘బి’ అనే గ్లూకోసైడ్లు ఉంటాయి. ఆకులలో ఫ్లేవనాల్స్, ఎమోడిన్, రీన్, సెన్నోసైడ్ ‘ఎ’, ‘బి’ , ‘సి’, ‘డి’ ఉంటాయి.
- ఆకులు, కాయలు మల బద్ధకాన్ని పోగొడతాయి. కొన్ని రకాల చర్మవ్యాధులు, కాలేయ మరియు ప్లీహానికి సంబంధించిన వ్యాధుల చికిత్సకు ఉపయోగపడతాయి.
వ్యవసాయరంగంలో
- నేలతంగేడు కీటకనాశక చర్యలను కలిగి ఉంది (కామరాజ్, అతని అనుచరులు 2010).
- నేలతంగేడు ద్రావణం తెల్లదోమ, బెమిసియా టబాసిపై అత్యధిక ప్రభావాన్ని చూపింది (బిర్గ్యుటి, అతని అనుచరులు, 2015).
- క్యాసియాటోరాని ఒక సహజ పురుగు మందుగా ఉపయోగిస్తారు.
రైతునేస్తం ప్రచురణ ‘ఔషధ వేదం’ పుస్తకం కొరకు ఫోన్: 9676797777కు సంప్రదించండి.
