కవల దూడలు చాలా అరుదుగా పుడతాయి. గర్భకోశద్వారం గుండా రెండు దూడలు ఒకే పర్యాయం రాలేక, ఈనటం కష్టమవుతుంది. ఒక దూడ జన్మించిన తరువాత కొంత సమయానికి, మరల ప్రసవ వేదన ప్రారంభమై మరొక దూడ జన్మించు సందర్భాలలో, ఈనటం కష్టం అవదు. గర్భద్వారంలో దూడలు యిరుక్కున్న సందర్భాలలో, పశువైద్యనిపుణులను సంప్రదిస్తే, వారు దూడల స్థానాలను సరిచేసి గాని, శస్త్రచికిత్స చేసి గాని, దూడలను బయటకు తీస్తారు.

రెండు దూడలు మగవైనా, రెండు దూడలు ఆడవైనా సమస్య వుండదు.

ఒక మగ, ఒక ఆడ దూడ కలిసి (FREEMARTIN) పుడితే, మగదూడకు ఏ సమస్యా వుండదు. కాని ఆడ దూడలో గర్భకోశ సంబంధిత అవయవాలు అభివృద్ధి చెందక, పునరుత్పత్తి సామర్థ్యం వుండదు. ఇది చాలా వాటిల్లో జరుగుతుంది.

రైతునేస్తం ప్రచురణ ‘గో-సంజీవని’ పుస్తకం కొరకు సంప్రదించండి: 96 76 79 77 77కు సంప్రదించండి.