#SouthIndianFood

పచ్చి కొబ్బరి తురుముతో కూర !

కావలసినవి: పచ్చి కొబ్బరి తురుము, ఉప్పు (రుచికి సరిపడా), పచ్చి మిరపకాయలు, పులుపుకి నిమ్మరసం లేదా తురుమిన మామిడికాయ వాడుకోవచ్చు.

ముందుగా ఒక గిన్నెలో కొబ్బరి తురుము, దంచుకున్న పచ్చిమిర్చి, ఉప్పు, నిమ్మరసం వేసుకొని బాగా కలుపుకుంటే, కొబ్బరి తురుము కూర సిద్ధం.

అన్నం, రొట్టెల్లోకి రుచికరంగా ఉంటుంది. (మీకు కావాలని అనిపిస్తే, పోపు కూడా వేసుకోవచ్చు.)
మామూలుగా అయితే, ఒక్క చుక్క నూనె అవసరం లేదు.

కోసంబరి (కర్ణాటక, తమిళనాడు వంటకం)

కావలసినవి: పచ్చి పెసరపప్పు, పచ్చి కొబ్బరి తురుము, పచ్చి క్యారట్ తురుము, కీరా ముక్కలు, నిమ్మరసం, ఉప్పు.

పైన చెప్పిన పదార్ధాలు అన్నీ గిన్నెలో వేసి కలుపుకోవడమే. మంచి రుచికరమైన రీరిఖిలి ఖిరిరీనీ సిద్ధం.

రచన: సంధ్యా శశికాంత్

రైతునేస్తం ప్రచురణ ‘వండని వంటలు’ పుస్తకం కొరకు Ph: 9676797777కు సంప్రదించండి

వండని వంట… పుట్నాల పప్పు పచ్చడి

పుట్నాలపప్పు ఒక కప్పు, పదిహేను ఎండుమిర్చి, (మీ కారానికి తగ్గట్టు వేసుకోండి) కారానికి సరిపడా రాళ్ళ ఉప్పు, జీలకర్ర, చింతపండు, వెల్లుల్లి.

వెల్లుల్లిని ఇష్టపడనివాళ్ళు, ఇంగువ వేసుకోండి. లేదా మీ ఇష్టం!

మీకు ఇష్టమైతే, ఇందులో రెండురెబ్బల కరివేపాకు కూడా జోడించవచ్చు.

పైన చెప్పినవన్నీ తీసుకుని, తగినంత నీరు పోసి రోట్లో రుబ్బుకోవడమో, మిక్సీలో రుబ్బుకోవడమో మీ ఇష్టం.

అంతే, పప్పు పచ్చడి సిద్దం. పోపు, తాలింపు ఏమీ అవసరం లేదు.

వేడివేడి అన్నంలో నెయ్యి వేసుకుని తింటుంటే, దీని రుచి అమోఘం. మేము ఎక్కువగా సాయంత్రాలు, చారు కాంబినేషన్‌తో కాని, పచ్చిపులుసుతో కానీ తింటుంటాం.

కొంచెం పెరుగుతో పల్ౘ్న చేసుకుని, ఇడ్లీ, దోశెల్లోకి తిన్నా ఈ పచ్చడి రుచిగా ఉంటుంది.

(గమనికః శనగలను వేపితేనే, పుట్నాలు అవుతాయి. వేపినవి కద, పుట్నాలు వద్దు అనుకుంటే, శనగపప్పును నానబెట్టి, పుట్నాలకు బదులుగా వాడుకోవచ్చు)

రచన: శ్రీమతి పద్మావతి కొలను

రైతునేస్తం ప్రచురణ ‘వండని వంటలు’ పుస్తకం కొరకు Ph: 9676797777కు సంప్రదించండి

వండని వంట… క్యారెట్ – పచ్చికొబ్బరి పచ్చడి

వండే పని లేకుండా అప్పటికప్పుడు సులభంగా చేసుకునే క్యారెట్ – పచ్చి కొబ్బరి ‘పచ్చి పచ్చడి’ తయారీ విధానం..

కావలసిన పదార్థములు:
పచ్చి కొబ్బరి ముక్కలు – ఒక కప్పు
క్యారెట్ ముక్కలు – ఒక కప్పు.
కొత్తిమీర – అర కప్పు
పచ్చిమిరపకాయలు – ఎనిమిది
శుభ్రం చేసిన చింతపండు నిమ్మకాయంత!
కొంచెం జీలకర్ర, ఒక వెల్లుల్లి రెబ్బ.
రుచికి సరిపడినంత ఉప్పు

తయారీ విధానం:
క్యారెట్ దుంపలను శుభ్రంగా నీటిలో కడిగి, ముక్కలుగా కట్ చేసుకోవాలి. అలాగే కొబ్బరిని కూడా ముక్కలుగా చేసుకోవాలి.

ముందుగా – కొబ్బరి, క్యారెట్టు ముక్కలను కలిపి, కొంచెం దంచిన తర్వాత మిగిలిన పదార్థాలు వేసుకుని, రోటిలో గాని మిక్సీలో కానీ రుబ్బుకోవడమే! అంతే !!

పొయ్యి మీద పెట్టే పని లేకుండా, సింపుల్‌గా చేసుకునే క్యారెట్ – పచ్చికొబ్బరి పచ్చడి రెడీ!

వేడి వేడి అన్నంలోకే కాదు… కొన్ని టిఫిన్లలోకి కూడా రుచికరంగా ఉంటుంది.

రచన : శాంత కర్రి

రైతునేస్తం ప్రచురణ ‘వండని వంటలు’ పుస్తకం కొరకు Ph: 9676797777కు సంప్రదించండి

వండని వంట… ఉల్లిపాయ పచ్చి పులుసు

తక్కువ దినుసులతో అతి తక్కువ వ్యవధిలో చేసుకోదగిన వండని వంట ఈ పచ్చి పులుసు.

ఒక పెద్ద ఉల్లిపాయను చిన్న చిన్న ముక్కలుగా తరిగి పెట్టుకోవాలి. గుప్పెడంత తాజా కొత్తిమీరను శుభ్రం చేసుకుని సన్నగా తరిగి పెట్టుకోవాలి.

నిమ్మకాయంత చింతపండు ఈనెలు గింజలు లేకుండా చూసి, ఒకసారి కడిగి అరకప్పు నీళ్లలో నానబెట్టాలి.

రెండు లేదా మూడు పచ్చిమిర్చి చిన్న చిన్న ముక్కలుగా తరిగి పెట్టుకోవాలి. నిమ్మకాయంత బెల్లం పొడిగా అంటే నలగగొట్టి పెట్టుకోవాలి. తగినంత రాళ్ళ ఉప్పు దగ్గర పెట్టుకోండి.

ఇపుడు నానబెట్టిన చింతపండు గుజ్జు తీసి, దానిలో రెండు గ్లాసుల నీళ్ళు పోసి ఉల్లిపాయ ముక్కలు, కొత్తమీర, బెల్లం, పపచ్చిమిర్చి, ఉప్పు వేసి గరిటెతో బాగా కలపాలి. అంతే ఉల్లిపాయ పచ్చి పులుసు తయారైపోయింది.

దీనికి కంది పచ్చడి మంచి జోడీ. పుల్ల పుల్లగా కొంచెం తీయగా, తక్కువ కారంగా, వేడి వేడి అన్నంతో తింటుంటే ఉల్లిపాయ ముక్కలు కొత్తమీర పంటికి తగులుతూ ఉంటే…. రుచి మీరే చెప్పాలి.

రచన : మంచికంటి సుబ్బల

రైతునేస్తం ప్రచురణ ‘వండని వంటలు’ పుస్తకం కొరకు Ph: 9676797777కు సంప్రదించండి

వండని వంట… మామిడికాయ ఆవ బద్దలు

ఒక మామిడికాయను పిక్కతో సహా చిన్న ముక్కలుగా తరుగుకొని, ఆ ముక్కల్లో జీడి ఉంటే తీసేసి, పసుపు, ఉప్పు, కారం మెంతిపిండి కొంచెం, ఆవపిండి (కాయని బట్టి) గానుగనూనె వేసుకొని కలుపుకోవాలి. పోపు అవసరం లేదు. ఊరాక చాలా రుచిగా ఉంటుంది.

కేవలం మెంతిపిండి కారం వేసి కూడా చేస్తారు. వాటిని మామిడి మెంతిబద్దలు అంటారు. వీటికి జీడీ ఉన్న కాయలు బాగుంటాయి వగరుతో.

వేడి వేడి అన్నంలో, మామిడి ఆవబద్ద బాగుంటుంది. అవసరం అయిన వారు చేతిమీద కాస్తా నెయ్యి వేసి అన్నంలో కలిపి తింటే చాలా రుచికరంగా ఉంటుంది. ఎప్పటికప్పుడు చేసుకోవచ్చు. ఉప్పు తగినంత వేస్తే, ఎక్కువ కాలం నిల్వ ఉంటుంది.

రచన: సంధ్యా శశికాంత్

రైతునేస్తం ప్రచురణ ‘వండని వంటలు’ పుస్తకం కొరకు ఫోన్: 9676797777కు సంప్రదించండి

వండని వంట… కరివేపాకు పచ్చడి

కరివేపాకు గుండెకు మంచిది. జుట్టుని నల్లగా పెరిగేట్టు చేస్తుంది. కడుపులో ఉండే నులిపురుగుల్ని చంపివేస్తుంది. కంటి చూపుకి మంచిది. ఇన్ని రకాలుగా ఆరోగ్యాన్నిచ్చే కరివేపాకు పచ్చడి చేసే విధానం…
కరివేపాకు పచ్చడి చాలా సులువుగా చేసుకోవచ్చు. కావల్సిందల్లా పది పదిహేను ఎండు మిర్చి, రాళ్ళ ఉప్పు, గోలీకాయంత చింతపండు, అర స్పూను జీలకర్ర, కొంచెం బెల్లం ఇంక శుభ్రంగా కడిగి ఆరపెట్టుకున్న గుప్పెడు కరివేపాకు. కడిగిన నీటి తాలూకా తేమ లేకుండా ఆరబెట్టుకోవాలి.

ముందుగా ఎండుమిర్చి, జీలకర్ర, ఉప్పు రోట్లో వేసి నూరుకున్నాక చింతపండు, పసుపు, బెల్లం వేసి ఇంకొంచెం మెదిపి చివరగా కరివేపాకు వేసి బాగా నలిగేట్టు నూరుకోవాలి. అంతే.

వండని వంట…టొమాటో పచ్చడి

ఈ ‘టొమాటో పచ్చడి చిక్కటి లిక్విడ్ లాగా ఉంటుంది! దోసెలలోకి, మిక్స్‌డ్ మిల్లెట్ దోశలోకి సూపర్‌గా ఉంటుంది. టమాటా, పచ్చి మిరపకాయ, ఎల్లిగడ్డ, అల్లం, ఉప్పు వేసుకుని నూరడమే!

ఇందులో ఉన్నటువంటి ఇంగ్రిడియంట్స్ సింపుల్.

రెసిపీ రోట్లో నూరుకుంటే సూపర్ ఉంటది. లేకుంటే మిక్సీలో మెత్తగా పేస్ట్‌గా కాకుండా, కొంచెం బరకగా గ్రైండ్ చేయాలి. తాలింపు లేదు, నూనె లేదు, పోపు గింజలు లేవు, చింతపండు లేదు, నిమ్మరసం లేదు రుచి మాత్రం అద్భుతం.

Recent Posts