#విటమిన్లు

ఔషధ మొక్క… చామ

చామ పంటను కూర వండుకు తినే దుంపల కోసం సాగు చేస్తారు. చామ మొక్క వివిధ ఆకారాలు, పరిమాణాలు గల దుంపలను ఉత్పత్తి చేస్తుంది. దీని ఆకులు 40þ24.8 సెం.మీ. పరిమాణంలో ఉంటాయి. దుంపల నుండి వచ్చే ఆకులు పైవైపు ముదురు ఆకుపచ్చ రంగులో, క్రింది వైపు లేత ఆకుపచ్చ రంగులో ఉంటాయి. త్రికోణాకారంలో కోడిగుడ్డు పరిమాణంలో ఉంటాయి. ఆకు కాడ 0.8-1.2 మీ. ఎత్తులో ఉంటుంది.

సాధారణ నామం : టారో శాస్త్రీయ నామం : కోలకేసియా ఎస్కులెంట కుటుంబం: ఆరేసి

ఉపయోగాలు : ఔషధరంగంలో …

చామ దుంపలో అనేక పోషకాలు, విటమిన్లు, ఖనిజాలు ఉంటాయి.
104 గ్రా. చామ దుంప తింటే 0.294 మి.గ్రా. విటమిన్ బి6, 27.52 గ్రా. కార్బోహైడ్రేట్లు, 0.179 మి.గ్రా. కాపర్, 0.398 మి.గ్రా. మాంగనీస్, 2.48 మి.గ్రా. విటమిన్ ఇ, 615 మి.గ్రా. పొటాషియం లభిస్తాయి. అంతేగాక 0.024 గ్రా. ట్రిప్టొఫాన్, 0.072 గ్రా. థ్రియొనైన్, 0.056 గ్రా. ఐసోల్యూసిన్, 0.115 గ్రా. ల్యూసిన్, 0.07 గ్రా. లైసిన్ వంటి అమినోయాసిడ్లు కూడా లభిస్తాయి.
చామ దుంపలో కాల్షియం, విటమిన్ సి, విటమిన్ ఇ, బి విటమిన్లు ఉన్నాయి. చామ ఆకులలో విటమిన్లు ఎ మరియు సి, పీచు పదార్థం, అదిక పరిమాణంలో ప్రోటీన్లు ఉంటాయి. చామ దుంప క్యాన్సర్‌ని నివారిస్తుంది.
రుమాటాయిడ్ ఆర్థ్రెåటిస్ లక్షణాలను తగ్గిస్తుంది. రక్తపోటుని నియంత్రించి, గుండె ఆరోగ్యాన్ని పెంచుతుంది. రోగ నిరోధక శక్తిని పెంచుతుంది.
జీర్ణశక్తిని పెంచుతుంది. కండరాల నొప్పులను తగ్గిస్తుంది. కంటిచూపుని మెరుగు పరుస్తుంది.
దంత ఆరోగ్య నిర్వహణకు సహాయపడుతుంది. మధుమేహాన్ని అదుపులో ఉంచుతుంది. తలలో వెంట్రుకలు దట్టంగా పెరగడానికి దోహదపడుతుంది.
రక్త ప్రసరణను పెంచుతుంది. ఎముకల నష్టాన్ని తగ్గిస్తుంది.శరీర చర్మాన్ని ఆరోగ్యంగా ఉంచుతుంది.

వ్యవసాయరంగంలో

చామ దుంప అగ్లూటినిన్ (సిఇఎ) శక్తివంతమైన కీటకనాశనిగా గుర్తించబడింది (రాయ్, అతని అనుచరులు, 2002, మజుందార్, అతని అనుచరులు, 2004).
కోలకేసియా ఎస్క్యులెంటా ఎగ్లూటినిన్ (సిఇఎ) ప్రత్తి పంటనాశించే పేనుబంక, ఎఫిస్ గాసిపిని అత్యంత సమర్ధవంతంగా చంపింది. అలసంద పేనుబంక, ఎఫిస్ క్రాక్సివోరాని సిఇఎ సమర్థవంతంగా ఆరమ్ మాక్యులేటం దుంప లెక్టిన్ (ఎటితుల్)తో సమానంగా నివారించింది. సిఇఎ రెడ్ కాటన్ బగ్‌ని అల్లియం సెటైవం (వెల్లుల్లి) లీప్ అగ్లూటిన్ (ఎయసఎయల్) కన్నా అదిక సమర్థవంతంగా నివారించింది (దాస్, అతని అనుచరులు, 2013).
పండుఈగ, బాక్ట్రోసెరా కుకుర్బిటె దోసజాతి పంటలపై విపరీత నష్టం కలిగించే పురుగు. ఈ పురుగు నివారణ అతి కష్టం. చామ దుంప లెక్టిన్ (సిఇఎ) పండుఈగ లార్వాల పెరుగుదల, వృద్ధి నరికట్టింది. కనుక ఈ లెక్టిన్‌ని సమగ్ర పురుగు యాజమాన్య పథకంలో ఒక భాగంగా ఉపయోగించవచ్చు. (ఈ ఠాకూర్, అతని అనుచరులు, 2012).
చామ దుంప లెక్టిన్ (సిఇఎ) తెల్లదోమ, బెమిసియా టబాసి పెరుగుదలను, పునరుత్పత్తి సామర్థ్యాన్ని అరికట్టింది (అమిత్‌రాయ్, అతని అనుచరులు, 2014).

రైతునేస్తం ప్రచురణ ‘ఔషధ వేదం’ పుస్తకం కొరకు ఫోన్: 9676797777కు సంప్రదించండి.

రోజుకు 400 గ్రాములు ఆకుకూరలు, కూరగాయలు, పండ్లు తినాలి

ఆహారంలో ఆకుకూరలు, కూరగాయలు, పండ్ల వినియోగం తగ్గుతోంది. హైదరాబాదు నగరంలో చాలామంది రోజుకు 250 గ్రాములకు మించి ఆకుకూరలు, కూరగాయలు, పండ్లు లాంటివి తినడం లేదని నిపుణులు చెబుతున్నారు. అది కూడా రోజూ ఏదో ఒక రకం పండు లేదంటే ఆకుకూరకు పరిమితమవుతున్నారు. రోజూ 250 గ్రాములు ఆకుకూరలు, కూరగాయలుంటే మరో 150 గ్రాముల వరకు పండ్ల శాతం ఉండాలంటున్నారు.
ప్రయోజనాలు..
పండ్లు, కూరల్లో మేలు చేసే విటమిన్లు, పోషకాలు, ఫోలిక్ యాసిడ్, సూక్ష్మపోషకాలు సమృద్ధిగా ఉంటాయి. పండ్లు, ఆకుకూరలు, కూరగాయల్లో పీచు ఎక్కువ. పండ్లలోని సాల్యుబుల్ పీచు వల్ల రక్తంలో కొలెస్ట్రాల్ పెరగకుండా చూస్తాయి. పీచు ఆలస్యంగా జీర్ణం అవుతుంది. కడుపు నిండుగా ఉన్న భావనతో చిరుతిళ్ల జోలికి పోరు. ఫలితంగా ఊబకాయం రాదు. పండ్లు, ఆకుకూరల్లో ఉన్న పీచు వల్ల మలబద్దకం దరిచేరదు. మధుమేహం నియంత్రణలో ఉంటుంది. పండ్లు, కూరల్లో పొటాషియం వల్ల అధిక రక్తపోటు సమస్య తగ్గుతుంది. వీటిలోని యాంటి ఆక్సిడెంట్లు శరీరంలోని కణజాలాన్ని ఉత్తేజితం చేస్తాయి. జుట్టు రాలటం, చర్మం ముడతలు, వృద్ధాప్య సమస్యలను తగ్గిస్తాయి.
మంచి బ్యాక్టీరియా పెరుగుతంది : డాIIలక్ష్మయ్య మాజీ శాస్త్రవేత్త, జాతీయ పోషకాహార సంస్థ
నగరంలో జంక్ ఫుడ్స్ వినియోగం పెరిగి చాలామంది పండ్లు, ఆకుకూరలు, కూరగాయలు తీసుకోవడం లేదు. వివిధ అనారోగ్య సమస్యలకు ఆహారపుటలవాట్లే కారణం. పండ్లు, ఆకుకూరలు విరివిగా తీసుకుంటే పేగుల్లో మంచి బ్యాక్టీరియా పెరుగుతుంది. జబ్బులకు అడ్డుకట్ట వేయవచ్చు. నిత్యం పెద్దలు 400 గ్రాములు, 18 ఏళ్లలోపు పిల్లలు 250 గ్రాముల పండ్లు, ఆకుకూరలు, కూరగాయలు ఆహారంలో మిళితం చేసుకోవాలి.

Recent Posts