కావాల్సిన పదార్థాలు:
పై పదార్థాలన్నీ మిక్సీలో వేసి గిర్ర గిర్ర నాలుగు తిప్పులు తిప్పితే, కొబ్బరి వెల్లుల్లి పొడి రె’ఢీ’.
వేడి అన్నంలో ఈ కొబ్బరి వెల్లుల్లి పొడి నేతితో కలిపి తింటే, ఆహా… ఓహో… అనక తప్పదు.
రైతునేస్తం ప్రచురణ ‘వండని వంటలు’ పుస్తకం కొరకు ఫోన్: 9676797777కు సంప్రదించండి.
కావలసినవి:
పిడికెడు ఎల్లిపాయలు
తగినంత కారంపొడి.
పోపు కోసం – ఆవాలు, జీలకర్ర, మినప గుళ్ళు, మెంతులు, కరివేపాకు.
ముందుగా ఎల్లిపాయల పొట్టు వొలిచి రోట్లో వేసుకొని, తగినంత గళ్లుప్పు వేసి, కచ్చాపచ్చాగా దంచి, కారం పొడి వేసి ముద్ద అయ్యేలా దంచుకోవాలి. ఎల్లిపాయల నుండి వచ్చే నూనెకు, కారం ముద్దగా అవుతుంది. నీళ్లు కలుపకూడదు.
అంతే, ఎల్లిపాయ కారం రెడీ. అయిదు నిముషాలు పట్టదు చెయ్యడానికి. ఎప్పుడు అవసరం అయితే, అప్పుడు చేసుకోవాలి.
ఘాటైన సువాసనలీనే ఎల్లిపాయ కారాన్ని, వేడి వేడి అన్నం మీద వేసుకుని, దాని మీద కోల్డ్ ప్రెస్డ్ గానుగ నువ్వుల నూనె వేసుకుని తింటే, ఆహా అనాల్సిందే!
జొన్న రొట్టెలు, ఎల్లిపాయ కారం నూనె, రుచికరమైన కాంబినేషన్!
ఘాటైన కారం కనుక, అప్పుడప్పుడు తినడం మంచిది.
ఇష్టం ఉంటే కాస్తా నూనెలో ఆవాలు జీలకర్ర, కరివేపాకు, మినప్పప్పు వేసుకుని పోపు పెట్టుకోవచ్చు.
పోపు లేకున్నా, రుచి సూపర్‌గా ఉంటుంది!
కూరలు తయారు చేసుకునే అవకాశం లేనప్పుడు, అప్పటికప్పుడు ఎల్లిపాయ కారం క్షణాల్లో చేసుకోవచ్చు.
” వండని వంటలు ” బుక్ కోసం రైతునేస్తం పబ్లికేషన్స్ సంప్రదించండి 9676797777
పెరుగు పచ్చడి పెట్టుకోవడం మనకు తెలిసిన విషయమే కానీ, అందులో కూడా మళ్ళీ పోపు పెడతారు. పోపు వల్ల నూనె కాలుతుంది. కాలిన నూనె, క్యాన్సర్ కారకం. పెరుగు పచ్చడిలో ఉప్పు నూనె అవసరం లేదు.
లీటరు పెరుగును గిన్నెలోకి తీసుకుని పెట్టుకోవాలి.
రెండు ముల్లంగి దుంపలను మట్టి లేకుండా నీటితో శుభ్రంగా కడగాలి. ముల్లంగి దుంపలను శుభ్రంగా కడిగి ‘కోరు’ మీద సన్నగా తరుగాలి. ఆ తరిగిన కోరును పెరుగు గిన్నెలో వేసి బాగా కలపాలి.ఉంటే ఒక టొమాటో పండును చిన్నచిన్న ముక్కలు చేసి కలుపుకోవాలి. కాస్తా పసుపు వెయ్యాలి.కొత్తిమీరను చిన్న చిన్న ముక్కలు చేసి వెయ్యాలి. తగినన్ని పచ్చడి మిరపకాయలను చిన్న చిన్న ముక్కలు చేసి పచ్చడిలో వెయ్యాలి. ఉల్లిగడ్డ తరుగు కూడా వెయ్యాలి. లేత కరివేపాకును ముక్కలు చేసి కలపాలి. ముల్లంగి దుంపల్లో సోడియం ఎక్కువ ఉంటుంది కనుక చప్పగా కాకుండా ఉప్పగానే ఉంటుంది.
అయినా ఉప్పు లేకుండా తినలేని వారు, స్వల్పంగా రాక్ సాల్ట్ తగినంత వేసుకోవాలి. చిటికెడు మిరియాల పొడి, ఇంగువ పొడిని కూడా కలుపుకోవచ్చు. మరింత రుచికరంగా ఉంటుంది.
నిజానికి పెరుగు పచ్చడిలో ఉప్పు అవసరం లేదు.పెరుగులో కూడా సోడియం ఎక్కువ ఉంటుంది. ఉప్పు లేకుండా కూడా రుచికరంగా ఉంటుంది.
ఏ రోజుకు ఆ రోజు తయారు చేసుకుని, వేడి వేడి అన్నంలో కలుపుకుని తినవచ్చు. ఎక్కువ చేసుకుని ఫ్రిజ్‌లో పెట్టకపోవడం మంచిది. పెరుగు పచ్చడి ఉంటే, మరో కూర అవసరం లేదు.
కరివేపాకు గుండెకు మంచిది. జుట్టుని నల్లగా పెరిగేట్టు చేస్తుంది. కడుపులో ఉండే నులిపురుగుల్ని చంపివేస్తుంది. కంటి చూపుకి మంచిది. ఇన్ని రకాలుగా ఆరోగ్యాన్నిచ్చే కరివేపాకు పచ్చడి చేసే విధానం…
కరివేపాకు పచ్చడి చాలా సులువుగా చేసుకోవచ్చు. కావల్సిందల్లా పది పదిహేను ఎండు మిర్చి, రాళ్ళ ఉప్పు, గోలీకాయంత చింతపండు, అర స్పూను జీలకర్ర, కొంచెం బెల్లం ఇంక శుభ్రంగా కడిగి ఆరపెట్టుకున్న గుప్పెడు కరివేపాకు. కడిగిన నీటి తాలూకా తేమ లేకుండా ఆరబెట్టుకోవాలి.
ముందుగా ఎండుమిర్చి, జీలకర్ర, ఉప్పు రోట్లో వేసి నూరుకున్నాక చింతపండు, పసుపు, బెల్లం వేసి ఇంకొంచెం మెదిపి చివరగా కరివేపాకు వేసి బాగా నలిగేట్టు నూరుకోవాలి. అంతే.
