పశుసంవర్ధకశాఖ సంచాలకులు దామోదర్‌నాయుడు

ఆంధ్రప్రదేశ్‌ రాష్ట్రంలో కొత్తగా ఎక్కడా బర్డ్‌ ఫ్లూ నిర్ధారణ కాలేదని, ప్రజలు ఎలాంటి ఆందోళనా చెందవద్దని పశుసంవర్ధకశాఖ సంచాలకులు టి.దామోదర్‌నాయుడు తెలిపారు. నిఘా పరిధిలోని 5 గ్రామాల్లో తప్ప రాష్ట్రంలో మరెక్కడా కోళ్లు, గుడ్ల రవాణాపై ఆంక్షలు లేవని వివరించారు. ఎక్కడైనా కోళ్లు, గుడ్ల రవాణాను అడ్డుకుంటే కాల్‌ సెంటర్‌కు (0866-2472543, 9491168699)కు ఫోన్‌ చేయాలని సూచించారు. అసత్య ప్రచారం కారణంగా కోళ్ల పరిశ్రమపై ఆధారపడిన వారు జీవనోపాధి కోల్పోతున్నారని తెలిపారు. కోడి మాంసం, గుడ్ల వాడకాన్ని ప్రోత్సహించేందుకు స్వచ్ఛంద సంస్థల సహకారంతో చికెన్‌, ఎగ్‌ మేళాలు నిర్వహించనున్నట్లు ఒక ప్రకటనలో వివరించారు.