#NaturalFoods

వండని వంట… జ్యూస్

వేసవిలో శరీరంలో వేడి తగ్గించి శరీరానికి చలవచేసి అధిక దాహం తగ్గించే జ్యూస్ తయారీ…

కావలసిన పదార్థాలు: కర్బూజా పండు, గోండ్ కటోరా, సబ్జా గింజలు

తయారు చేయు విధానం: సబ్జా గింజలు, బాదం కటోరాలను రాత్రి నానబెట్టి ఉంచుకోవాలి.

కర్బూజా పండును తొక్క తీసి, ముక్కలు చేసుకుని జ్యూస్ చేసుకోవాలి.

గ్లాస్ జ్యూస్‌కి ఒక స్పూను సబ్జా గింజలు,

ఒక స్పూను బాదం కటోరా కలుపుకొని త్రాగడమే!

ఎంతో రుచికరంగా చల్లగా ఉంటుంది.

రచన: శాంత కర్రి

రైతునేస్తం ప్రచురణ ‘వండని వంటలు’ పుస్తకం కొరకు Ph: 9676797777కు సంప్రదించండి

వండని వంట… పప్పు పచ్చడి

పచ్చి పెసరపప్పు కానీ, పెసర్లు కానీ, మొలకెత్తిన పెసర్లు కానీ, పొట్టు పెసరపప్పు కానీ, వీటిలో ఏదైనా వాడుకోవచ్చు. పెసర్లు అయితే, నానడానికి టైం పడుతుంది. మొలకెత్తడానికి ఇంకా టైం పడుతుంది. వీటితో చేసుకోవాలంటే ముందుగా ప్రణాళిక ప్రకారం చేసుకోవాలి. అదే పొట్టు పెసరపప్పు కానీ, పెసరపప్పుతో కానీ అయితే అరగంటలో అయిపోతుంది.

దీనికి కావలసిన పదార్థాలు: పెసరపప్పు (ఏ రకమైన పప్పు అయినా, మీ ఇష్టం) ఒక చిన్న కప్పు. ఎండుమిర్చి (ఎవరి రుచి ప్రకారం వారు వేసుకోవాలి) ఐదారు.ఉప్పు – రాళ్ళ ఉప్పు (సముద్రపు ఉప్పు కానీ పింక్ రాక్ సాల్ట్ కానీ) తగినంత. నిమ్మరసం కానీ, పుల్లటి మామిడి కాయ కానీ రుచికి తగినంత.

ఒక టీ స్పూన్ జీలకర్ర, చిటికెడు ఇంగువ అన్ని కలిపి నీళ్ళు లేకుండా రోట్లో కానీ మిక్సీలో కానీ కచ్చాపచ్చాగా నూరుకోవాలి. మరీ మెత్తగా సుద్దలాగా నూరుకోకూడదు. మామిడికాయ అయితే, పప్పుతో పాటు వేసుకుని రుబ్బుకోవాలి. నిమ్మరసం అయితే ఆఖరున పిండుకోవాలి.

శ్రీమతి లతా కృష్ణమూర్తి

Recent Posts