- ఏపీహెచ్డీసీ, ఎన్ఐడీల మధ్య ఒప్పందాలు
- బీసీ సంక్షేమ శాఖ మంత్రి సవిత వెల్లడి
అరటి నార, గుర్రపుడెక్కతో కళారూపాల తయారీపై హస్తకళాకారులకు శిక్షణ అందించనున్నట్లు ఆంధ్రప్రదేశ్ బీసీ సంక్షేమ శాఖ మంత్రి సవిత వెల్లడించారు. అనంతపురంలో అరటి నారతో, మచిలీపట్నంలో గుర్రపుడెక్కతో కళారూపాల తయారీకి సంబంధించిన శిక్షణ కేంద్రాలనుఏర్పాటు చేస్తామని పేర్కొన్నారు. ఇందుకోసం ఏపీ హస్తకళల అభివృద్ధి సంస్థ (ఏపీహెచ్డీసీ), అహ్మదాబాద్కు చెందిన నేషనల్ ఇన్స్టిట్యూట్ ఆఫ్ డిజైన్ మధ్య బుధవారం రెండు ఒప్పందాలు చేసుకున్నట్లు తెలిపారు. మూడు నెలలపాటు శిక్షణ ఉంటుందని చెప్పారు. ఆయా వస్తువులకు మార్కెటింగ్ సదుపాయం… వాటి ప్యాకింగ్, బ్రాండింగ్లపై అవగాహన కల్పిస్తామని వివరించారు.
