#RuralEmployment

అమెరికా వాణిజ్య ఒప్పందంతో రైతులు నష్టపోతారు

అమెరికా వాణిజ్య ఒప్పందంతో మన రైతులు తీవ్రంగా నష్టపోతారని తెలంగాణా రాష్ట్ర వ్యవసాయశాఖా మంత్రి తుమ్మల నాగేశ్వరరావు పేర్కొన్నారు. ఇలాంటి ఒప్పందాలు కుదుర్ౘ్ుకునే ముందు రైతుల ప్రయోజనాలు, దేశీయ ఉత్పత్తి స్థిరత్వం, ధరల రక్షణ, గ్రామీణ ఉపాధి వంటి అంశాలను సమగ్రంగా పరిశీలించాలన్నారు. ‘మన దేశంలో చిన్న, సన్నకారు రైతులే అధికం. అమెరికాలో తక్కువ మంది రైతులు పెద్ద భూభాగాల్లో సాగు చేస్తున్నారు. వారితో మన రైతులు పోటీపడటం అసాధ్యం. ఇప్పటికే భారత్ పత్తి దిగుమతులపై 11% సుంకం తొలగించడంతో దేశీయ మార్కెట్‌లో పత్తి ధరలు గణనీయంగా పడిపోయాయి. భారత్-అమెరికా తాజా ఒప్పందం ఖరారు కాగానే సోయాచిక్కుడు ధరలు 10%, మొక్కజొన్న ధరలు 4% పడిపోయాయి. ఒప్పందం పూర్తయి సుంకాలు మరింత తగ్గితే పరిస్థితులు దుర్లభంగా మారతాయి” అని తుమ్మల అన్నారు.

ఆంధ్రప్రదేశ్‌లో సమీకృత టమాటో వాల్యూచైన్‌ ప్రాజెక్టును త్వరగా పూర్తి చేయాలి

ఆంధ్రప్రదేశ్‌ ఫుడ్‌ ప్రాసెసింగ్‌ మంత్రి టి.జి. భరత్‌ కేంద్ర మంత్రి చిరాగ్‌ పాస్వాన్‌ను ఆయన దిల్లీలో కలిసి సమీకృత టమాటో వాల్యూ చైన్‌ ప్రాజెక్టును వేగవంతం చేయాలని విజ్ఞప్తి చేశారు. రాష్ట్రంలో ఆహార శుద్ధి యూనిట్ల అభివృద్ధికి సంబంధించిన అంశాల పైనా ఆయనతో సమాలోచనలు జరిపారు. ఈ సందర్భంగా భరత్‌ మాట్లాడుతూ.. ”రాష్ట్రంలోని ఫార్మర్‌ ప్రొడ్యూసర్‌ ఆర్గనైజేషన్‌ (ఎఫ్‌పివో)లను ప్రోత్సహించేందుకు పెండింగ్‌లో ఉన్న నిధులు విడుదల చేయాలి. ప్రధానమంత్రి ఫార్మలైజేషన్‌ ఆఫ్‌ మైక్రో ఫుడ్‌ ప్రాసెసింగ్‌ ఎంటర్ర్‌ప్రైజెన్‌ పథకం కింద స్టార్టప్‌లు, సూక్ష్మ పరిశ్రమలను బలోపేతం చేసేందుకు వీలుగా తిరుపతి, బాపట్ల, లాం, పులివెందుల్లో ఇంక్యుబేషన్‌ సెంటర్ల ఏర్పాటుకు ఆమోదం తెలపాలి. రాష్ట్రంలోని రైతులకు ప్రయోజనం కల్పించేందుకు పంట కోత తర్వాత నష్టాలను తగ్గించడంపై దృష్టి పెట్టాం. గ్రామీణ ప్రాంతాల్లో ఉపాధి కల్పించేందుకు ఆహారశుద్ధి యూనిట్లను బలోపేతం చేయడంలో కేంద్రం సహకరించాలి. ఈ ప్రతిపాదనలకు కేంద్ర మంత్రి సానుకూలంగా స్పందించారు” అని వెల్లడించారు.

Recent Posts