#EMTechnology

బొకాషి : కావలసిన పదార్థాలు : 100 కి. వరి లేక గోధుమ తవుడు – 10 కి. ఎండిన ఆవుపేడ పాడి – 10 కి. వేరుశనగ పిండి – 5 కి. ఎండు చేప పొడి – 2 కి. బెల్లం – 12-14 లీ. నీరు – 1 లీ. ఎ.ఇ.యం. – 200 లీ. ప్లాస్టిక్ క్యాన్.

తయారీ విధానం : పైన పేర్కొన్న పదార్థాలను బాగా కలిపి ప్లాస్టిక్ క్యాన్‌లో వేసి గాలి చొరబడకుండా మూత బిగించి 8-10 రోజులు చల్లని, చీకటి ప్రదేశాలలో పులియ బెట్టాలి. చల్లగా ఉన్న సమయంలో ఒక చ.మీ. కి 100 గ్రా. చొప్పున బొకషి ఎరువుని ఇతర సేంద్రియ ఎరువులతో కలిపి భూమిపై చల్లాలి. ఒక ఎకరానికి 400 కి. బొకాషి అవసరం.

ఇ.యం. 5
కావలసిన పదార్థాలు : 600 మి.లీ. నీరు; 100 మి.లీ. బెల్లం ద్రావణం; 100 మి.లీ. యాక్టివేటెడ్ ఇ.యం.; 100 మి.లీ. బ్రాంది / రమ్ 100 మి.లీ. సహజ వినెగర్.

తయారీ విధానం : పై పదార్థాలన్నింటినీ 1 లీ. సిసాలో నింపి బాగా కలిపి చల్లని, చీకటి ప్రదేశంలో 8-10 రోజులు పులియబెట్టాలి. బాగా తయారయిన ఇ.యం.-5 తీయని, పుల్లని వాసన వస్తుంది. గ్యాస్ ఉత్పత్తి ఆగినపుడు ఇ.యం. ఉపయోగించడానికి సిద్ధంగా ఉంటుంది. శిలీంద్రం తెగుళ్ళు, వైరస్ తెగుళ్ళు, పురుగుల నివారణకు 1 మి.లీ. ఇ.యం. 5ని 1 లీ. నీటిలో కలిపి పంటపై 3-4 సార్లు పిచికారి చేయాలి.

ఇ.యం. టెక్నాలజీ

యాక్టివేటెడ్ ఇ.యం. (ఎ.ఇ.యం.) ద్రావణం

కావలసిన పదార్థాలు : 20 లీ. ప్లాస్టిక్ క్యాన్ (మూతతో సహా), ఇ.యం. స్టాకు ద్రావణం 1 లీ. 1-2కి బెల్లం. 20 లీ. నీరు.
తయారీ విధానం : ప్లాస్టిక్ క్యాన్‌లో 20 లీ. నీరు నింపి 1-2 కి. బెల్లాన్ని కలపాలి. దీనికి 1 లీ. ఇ.యం. స్టాకు ద్రావణం కలపాలి. క్యాన్‌పై మూత పెట్టి 8-10 రోజులు చల్లటి, చీకటి ప్రదేశంలో ఉంచాలి. ఉదజని సూచిక 3.5కి వస్తుంది. తయారైన యాక్టివేటెడ్ ఇ.యం. ద్రావణం నుండి తీయని, పుల్లటి వాసన వస్తుంది.

ఉపయోగించే విధానాలు :

నేరుగా ఉపయోగించడం :

పంటపై పిచికారి : 1 మి.లీ. / 1 లీ. నీరు
భూమి / పంట అవశేషాలపై పిచికారి : 5 మి.లీ. / 1 లీ. నీరు
కంపోస్టు కుప్పపై పిచికారి : యాక్టివేటెడ్ ఇ.యం.ని 60 రోజుల వరకు ఉపయోగించకపోతే 0.5% ద్రావణాన్ని కంపోస్టు కుప్పపై పిచికారి చేయాలి.
యాక్టివేటెడ్ ఇ.యం.ని. 60 రోజులలోపు ఉపయోగించాలి.
8 రోజులు చల్లని, చీకటి ప్రదేశంలో పులియబెట్టాలి.
శుభ్రమైన, ఎటువంటి దుర్వాసనలేని ద్రవాన్ని గుడ్డతో వడపోయాలి.
తయారు చేసిన 60-70 రోజులలోపు వాడాలి

యాక్టివేటెడ్ ఇ.యం.తో సత్తువ కల్గించిన మూత్రం

పశువుల మూత్రాన్ని సేకరించి 8 రోజులు ఎనరోబిక్ పద్ధతిలో పులియ బెట్టాలి.
ఒక లీటరు మూత్రానికి 50 మి.లీ. ఎ.ఇ.యం. ద్రావణం, 100 గ్రా. బెల్లం కలపాలి.
ఒక లీటరు నీటికి 1 మి.లీ. సత్తువ కలిగించిన మూత్రాన్ని కలిపి పంటపై పిచికారి చేయాలి. పంటకాలంలో 3-4 సార్లు పిచికారి చేయాలి.
తయారు చేసిన 60-70 రోజులలోపు వాడాలి

ఇ.యం. పులిసిన మొక్కల రసం

10 కి. కలుపు మొక్కలను సూర్యోదయం వేళ సేకరించి 2 అంగుళాల ముక్కలుగా కత్తిరించాలి.
వీటిని ప్లాస్టిక్ క్యాన్‌లోని నీటిలో 500 మి.లీ. యాక్టివేటెడ్ ఇ.యం. మరియు 500 మి.లీ. బెల్లం ద్రావణంతోపాటు కలపాలి.
మూతని క్యాన్‌లో ఏర్పడిన వాయువులు బయటకుపోవడానికి కొంచెం వదులుగా మూయాలి.
1 మి.లీ. ఇ.యం. పులిసిన ద్రావణాన్ని 1 లీ. నీటిలో కలిపి పంటపై 3-4 సార్లు పిచికారి చేయాలి.
తయారు చేసిన 60-70 రోజులలోపు వాడాలి.

Recent Posts