ఈ వంట ‘వండని వంటలు’ శీర్షిక క్రిందికి వస్తుందో రాదో కాస్తా అనుమానంగా ఉంది. ఇందులో బచ్చలి ఆకులను ఆఫ్ బాయిల్ చేస్తారు. మిగతావి అన్నీ పచ్చి పదార్థాలనే వాడతారు. అవన్నీ దాదాపు మనకు కూడా దొరుకుతాయి!
జార్జియన్ బచ్చలి కూర కొత్తిమీర మరియు వాల్నట్ సలాడ్ – ‘ఇస్పానాఖిస్ ప్ఖాలీ’
ఇస్పానాఖిస్ ప్ఖాలీ అనేది “ప్ఖాలీ” వర్గానికి చెందిన ఒక సాంప్రదాయ జార్జియన్ వంటకం, ఇది జార్జియాలో వివిధ కూరగాయల ఆధారిత స్ప్రెడ్లు లేదా సలాడ్లకు ఉపయోగించే పదం. ప్ఖాలీ వంటకాలు తరచుగా చల్లగా వడ్డిస్తారు, మరియు జార్జియన్ విందులు మరియు వేడుకల్లో ప్రముఖ భాగంగా ఉంటాయి.
Pkhali యొక్క ఇతర సలాడ్స్ కూడా ఉన్నాయి. అవి బీట్రూట్, వంకాయ, పుట్టగొడుగులు, క్యాబేజీ లేదా రెడ్ బీన్స్ నుండి తయారు చేస్తారు. కానీ ఇస్పానాఖిస్ ప్ఖాలీ యొక్క ఆకర్షణీయమైన ముదురాకు పచ్చ రంగు, మరియు ఘాటైన బచ్చలి కూర రుచి నోరూరించే వంటకాలలో ఒకటి.
జార్జియన్ బచ్చలి కూర వాల్నట్ కొత్తిమీర సలాడ్ – ఇస్పానాకిస్ ప్కాలీ సలాడ్ చేసుకునే విధానం చాలా సులభం.
కావలసినవి:
- 700 గ్రా. తాజా బచ్చలి కూర ఆకులు
- 1 కప్పు (120 గ్రా) వాల్నట్లు, పచ్చివి లేదా కాల్చినవి.
- 3 మీడియం లవంగాలు మరియు వెల్లుల్లి.
- 60 గ్రా కొత్తిమీర
- 1/4 కప్పు పార్స్లీ
- 3 టేబుల్ స్పూన్లు (45 ml) కూరగాయల లేదా వాల్నట్ నూనె
- 2 టేబుల్ స్పూన్లు (30 మి.లీ) వెనిగర్
- 1/2 టీస్పూన్ (2.5 గ్రా) ఉప్పు
- 1 1/2 టీస్పూన్లు (4.5 గ్రా) ఖ్మేలీ సునెలీ అనగా జార్జియన్ మసాలా మిక్స్ అదేమీ బ్రహ్మ పదార్థం కాదు.
- (-1/2 టీస్పూన్ (1.5 గ్రా) గ్రౌండ్ బ్లూ మెంతులు, 1/2 టీస్పూన్ (1.5 గ్రా) పసుపు, 1/2 టీస్పూన్ (1.5 గ్రా)తో భర్తీ చేయవచ్చు.
- దనియాలు
- 1/4 టీస్పూన్ (0.5 గ్రా) ఎరుపు కారపు మిరియాలు
- 1/4 టీస్పూన్ (0.5 గ్రా) నల్ల మిరియాలు వీటన్నిటినీ రోట్లో దంచుకొని తయారు చేసుకోవచ్చు).
- చివరగా దానిమ్మ గింజలు, గార్నిష్ కోసం.
* * *
బచ్చలి కూరను కడగాలి మరియు అది వడలిపోయే వరకు ఒక గిన్నెలో గోరువెచ్చని లేదా వేడినీటిలో ఉంచాలి (సుమారు 3 నిమిషాలు) (దీన్నే ఆఫ్ బాయిల్ అన్నాము)
తర్వాత చల్లని నీటిలో బచ్చలి కూరను వేసి, చల్లటి నీటితో శుభ్రం చేసుకోవాలి.
బచ్చలి కూర చల్లారాక, బచ్చలికూరలో ఉన్న నీటిని చేతితో పిండి బచ్చలి కూరను పక్కన పెట్టుకోవాలి.
వాల్నట్లను కాస్త బరకగా దంచుకోవాలి, పూర్తిగా పౌడర్ చెయ్యకూడదు. అదే రోట్లో మిగిలిన పదార్థాలను (బచ్చలి కూర మినహా) వేసి, కాస్త నెమ్మదిగా అన్ని కలిసే వరకు దంచుతుండాలి. రోట్లో నుండి ముద్దగా అయిన ఈ మిశ్రమాన్ని తీసి పక్కన పెట్టుకొని, ఇప్పుడు నీళ్ళని పిండేసి పక్కన పెట్టుకున్న బచ్చలి కూరను రోట్లో వేసి ముద్దగా దంచుకోవాలి.
అన్ని దినుసులు వెనిగర్ మసాలాలు వాల్నట్లతో నూరిన ముద్దని వేరే గిన్నెలోకి వేసి, దాంట్లోనే బచ్చలి కూర ముద్దని వేసి రెండు మిశ్రమాలను చక్కగా కలుపుకొని ఒక గిన్నె సహాయంతో చక్కగా ముద్దలుగా మరో ప్లేట్లో పేర్చుకొని, పైన కొన్ని దానిమ్మ గింజలతో అలంకరించుకుంటే వంట రెడీ..
ఇది ఇలాగే తినొచ్చు, కావాలంటే దీనికి సరైన కాంబినేషన్ మజ్జిగ. ఇది తింటూ మజ్జిగ తాగుతుంటే ఆ రుచే వేరు.
రచనః మాందాటి రఘు
రైతునేస్తం ప్రచురణ ‘వండని వంటలు’ పుస్తకం కొరకు Ph: 9676797777కు సంప్రదించండి
