#EnvironmentalAwareness

ప్లాస్టిక్ వ్యర్థాలను ఆవు కడుపులో నుంచి బయటకు తీసిన పశువైద్యలు

నంద్యాల జిల్లా కోవెలకుంట్ల పట్టణంలో పుల్లయ్య అనే రైతుకు చెందిన ఆవు ఇటీవల అస్వస్థతకు గురైంది. కడుపు బాగా ఉబ్బిపోయి, ఇబ్బందిపడుతుండటంతో పశువైద్యులకు చూపించారు. వైద్యులు పరీక్షించి ఆవు కడుపులో ప్లాస్టిక్ వ్యర్థాలు ఉన్నాయని గుర్తించారు. శుక్రవారం కోవెలకుంట్ల పశుసంవర్ధకశాఖ ఏడీ డా. కిశోర్ ఆధ్వర్యంలో వైద్యులు డా. నవీన్, డా. విజయానాయక్ శస్త్రచికిత్స చేసి దాని కడుపులోంచి సుమారు 100 కిలోల ప్లాస్టిక్ వ్యర్థాలు తొలగించారు.

వరల్డ్‌ బుక్‌ ఆఫ్‌ రికార్డుల కెక్కిన విత్తన బంతుల కార్యక్రమం

ఈ నెల 9న కేరళ రాజధాని తిరువనంతపురం మున్సిపల్‌ కార్పొరేషన్‌ చేపట్టిన విత్తన బంతుల ప్రాజెక్టు.. వరల్డ్‌ బుక్‌ ఆఫ్‌ రికార్డుల కెక్కింది. విద్యార్థులతో కలిసి చేపట్టిన ఈ ప్రాజెక్టును లండన్‌ కేంద్రంగా పని చేసే సంస్థ గుర్తించిందని మేయర్‌ ఆర్య ఎస్‌ రాజేంద్రన్‌ సోమవారం వెల్లడించారు. ఇందులో 6 వేల మంది విద్యార్థులు పాల్గొని 3 గంటల్లో తిరువనంతపురంలోని పుథరీకందం మైదానంలో 4 లక్షల విత్తన బంతులను విసిరామని తెలిపారు.

Recent Posts