రైతులు, కూలీల అనుసంధానించడానికి ఫోన్ నెం.
రైతులను, కూలీలను సులువుగా అనుసంధానించడానికి వినూత్న పరిష్కారం చూపించారు కడియాల ధనేష్. తూర్పుగోదావరి జిల్లా బిక్కవోలుకు చెందిన ధనేష్ వాట్సప్ బ్లూ కనెక్ట్ పేరుతో చాట్ బాట్ను రూపొందించారు. దీనిని ఉపయోగించాలంటే ముందుగా 6281685487 నంబర్ను సేవ్ చేసుకోవాలి. వాట్సప్ చాట్ నంబర్ ఓపెన్ చేయగానే బ్లూ కనెక్ట్ చాట్బాట్ ఆహ్వానం పలుకుతుంది. హాయ్ అని పెట్టగానే పని ఇవ్వాలనుకుంటున్నారా (రైతు) లేదా పని కోరుతున్నారా (కార్మికుడు) అని అడుగుతుంది. ఎంపికకు అనుగుణంగా తెలుగులోనే ప్రశ్నలు వరుసగా వస్తాయి. వాటికి సమాధానాలు ఇస్తే మనకు కావాల్సిన వారితో అనుసంధానం చేస్తుంది. ఈ ప్లాట్ఫాం ద్వారా రైతులు తమకు పది కి.మీ. పరిధిలో పనులకు అందుబాటులో ఉన్న కూలీలను సంప్రదించవచ్ౘ్ు. ఈ చాట్బాట్లోనే వాతావరణ, ప్రభుత్వ పథకాల సమాచారమూ అందుబాటులో ఉంది. ఇది పూర్తిగా లాభాపేక్ష లేని సంస్థగా పనిచేస్తోందని, గ్రామీణ ప్రాంతాల్లో ఉపాధి అవకాశాలు మెరుగుపరచడమే లక్ష్యమని ధనేష్ తెలిపారు.
త్వరలోనే మరిన్ని గ్రామాలకు బ్లూ కనెక్ట్ రూపకర్త ధనేష్ 2023లో మెకానికల్ సబ్ౙెక్ట్లో బీటెక్ పూర్తిచేశారు. అప్పటి నుంచి చిన్న, చిన్న ఉద్యోగాలు చేసి కొంత నగదు కూడబెట్టారు. ప్రస్తుతం ఆ నగదుతోనే ఇలాంటి వాట్సప్ చాట్బాట్లు రూపొందిస్తున్నారు. విశాఖలో ఇటీవల నిర్వహించిన ఏపీ డిజిటల్ టెక్నాలజీ సమిట్-2026లో సోషల్ ఇంపాక్ట్ ఇన్నోవేషన్ కేటగిరీలో బ్లూ కనెక్ట్ ప్రాజెక్టుకు అవార్డునూ అందుకున్నారు. ప్రస్తుతం తూర్పుగోదావరి జిల్లాలో కొన్ని ప్రాంతాలకే పరిమితమైన ఈ చాట్బాట్ను భవిష్యత్తులో మరిన్ని గ్రామాలకు విస్తరించాలనేది తన లక్ష్యమని ధనేష్ చెప్పారు.
